وتىرىس بارىسىندا ورتالىق مەملەكەتتىك جانە قۇقىق قورعاۋ ورگاندارىنىڭ باسشىلارى تەرگەۋ شارالارىنىڭ بارىسى، سونداي-اق قازا بولعان اسكەري قىزمەتشىلەردىڭ وتباسىلارى مەن زارداپ شەككەندەرگە كومەك كورسەتۋ شارالارى تۋرالى بايانداما جاسادى.
العاشقى تەرگەۋ ارەكەتتەرىنىڭ ناتيجەلەرى تۋرالى قازاقستان رەسپۋبليكاسى ىشكى ىستەر ءمينيسترىنىڭ ورىنباسارى سانجار ءادىلوۆ باياندادى. ونىڭ ايتۋىنشا، اسكەري قىزمەتشىلەردىڭ قازا بولۋ فاكتىسى بويىنشا ءى ءى م- ءنىڭ اسكەري-تەرگەۋ بولىمشەسى سوتقا دەيىنگى تەرگەۋ جۇرگىزىپ جاتىر.
- بۇگىنگى تاڭدا قىلمىستىق ءىس اياسىندا بەس لاۋازىمدى تۇلعانىڭ كۇدىكتى رەتىندەگى مارتەبەسى پروتسەسسۋالدىق تۇرعىدا راسىمدەلىپ، ولار اقتاۋ قالاسىنىڭ ۋاقىتشا ۇستاۋ يزولياتورىنا قامالدى. ولاردىڭ قاتارىندا ق ر ق ك اسكەري-تەڭىز كۇشتەرى باس قولباسشىسىنىڭ ءبىرىنشى ورىنباسارى - شتاب باستىعى، ەكى اسكەري ءبولىمنىڭ كومانديرى، تەڭىز جاياۋ اسكەرلەرى روتاسىنىڭ كومانديرى جانە كاتەر كومانديرى بار. تەرگەۋ جانە پروتسەسسۋالدىق شارالار تولىق كولەمدە جالعاسىپ جاتىر، قاجەتتى ساراپتامالار جۇرگىزىلۋدە. تەرگەۋ بارىسىندا بارلىق قاتىسى بار تۇلعالاردىڭ ارەكەتتەرىنە قاتاڭ قۇقىقتىق باعا بەرىلىپ، كۇدىكتىلەردىڭ تولىق قۇرامى تۇپكىلىكتى انىقتالادى، - دەدى سانجار ءادىلوۆ.
وتىرىستى قورىتىندىلاي كەلە، ۇكىمەتتىك كوميسسيانىڭ ءتوراعاسى قانات بوزىمبايەۆ مەملەكەت قازا بولعان اسكەري قىزمەتشىلەردىڭ وتباسىلارىنا قولداۋ كورسەتۋ جونىندەگى بارلىق مىندەتتەمەنى تولىق كولەمدە ءوز موينىنا الاتىنىن اتاپ ءوتتى. زاڭدا كوزدەلگەن كەپىلدى تولەمدەر كىدىرىسسىز جۇزەگە اسىرىلادى. ءار وتباسىعا تۇراقتى تۇردە اتاۋلى قولداۋ كورسەتۋ ءۇشىن جاۋاپتى ماماندار بەكىتىلەدى.
سونداي-اق قازاقستان حالىق كەڭەسىنىڭ مۇشەلەرىنە، قۇرىلتاي دەپۋتاتتارىنا، ساياسي پارتيالارعا، كاسىپكەرلەرگە، مەتسەناتتارعا جانە بارلىق جاناشىر ازاماتتارعا كورسەتكەن ىنتىماقتاستىعى ءۇشىن العىس ايتىلدى. ازاماتتىق باستامانىڭ ارقاسىندا ارنايى قورعا قاجەتتى قاراجات جيناقتالدى. وسىعان بايلانىستى قاراجات جيناۋ جۇمىسى اياقتالدى دەپ جاريالاندى.
قور قاراجاتىن وتباسىلارعا جانە زارداپ شەككەندەرگە اشىق، اتاۋلى ءارى ءادىل ءبولۋ ماقساتىندا قازاقستان حالىق كەڭەسىنىڭ مۇشەسى، ماڭعىستاۋ وبلىسى قوعامدىق كەڭەسىنىڭ ءتوراعاسى بەكمۇرات ءجۇسىپوۆتىڭ جەتەكشىلىگىمەن ارنايى كوميسسيا قۇرىلدى.
قۇقىق قورعاۋ جانە مەملەكەتتىك ورگاندارعا قاراجاتتىڭ ماقساتتى جۇمسالۋىنا قاتاڭ باقىلاۋ ورناتۋ تاپسىرىلدى.
تەرگەۋ بارىسى مەن جان-جاقتى كومەك كورسەتۋ جۇمىستارى ۇكىمەتتىك كوميسسيانىڭ باقىلاۋىندا.