مەملەكەت باسشىسى رەسەيدىڭ ەنەرگەتيكا ءمينيسترى سەرگەي سيۆيليەۆتى قابىلدادى
13:10, 19 - ءساۋىر 2025
استانا. KAZINFORM - قازاقستان مەن رەسەي پرەزيدەنتتەرىنىڭ كەلىسىمىنە سايكەس، قاسىم-جومارت توقايەۆ ر ف ەنەرگەتيكا ءمينيسترى سەرگەي سيۆيليەۆتى قابىلدادى. بۇل تۋرالى اقوردانىڭ باسپا ءسوز قىزمەتى حابارلادى.
مينيستر مەملەكەت باسشىسىنا رەسەي پرەزيدەنتى ۆلاديمير پۋتيننىڭ حابارلاماسىن جەتكىزدى.
كەزدەسۋ بارىسىندا قازاقستان مەن رەسەي اراسىنداعى ىنتىماقتاستىقتىڭ نەگىزگى باعىتتارىنىڭ ءبىرى سانالاتىن ەنەرگەتيكا سالاسىنداعى سەرىكتەستىك پەرسپەكتيۆاسى تالقىلاندى.
ايتا كەتەلىك مەملەكەت باسشىسى رەسەي پرەزيدەنتى ۆلاديمير پۋتينمەن تەلەفون ارقىلى سويلەسكەن ەدى.