استانا. KAZINFORM - پرەزيدەنت قاسىم-جومارت توقايەۆ تانىمال جۋرناليست، قوعام قايراتكەرى، «ۆرەميا» گازەتىنىڭ باس رەداكتورى لەۆ تاراكوۆتىڭ دۇنيەدەن وتۋىنە بايلانىستى ونىڭ وتباسى مەن تۋعان-تۋىستارىنا كوڭىل ايتۋ جەدەلحاتىن جولدادى. بۇل تۋرالى اقوردا ءمالىم ەتتى.
- شىعارماشىلىق ديناستيانىڭ تالانتتى وكىلى لەۆ يۋريەۆيچ وتاندىق جۋرناليستيكانىڭ دامۋىنا، جاس مامانداردى تاربيەلەۋگە ۇلكەن ۇلەس قوستى. ول ارىپتەستەرى اراسىندا زور ابىروي مەن قۇرمەتكە بولەنىپ، كاسىبيلىك پەن ءوز ىسىنە ادالدىقتىڭ ۇلگىسىن تانىتتى، - دەلىنگەن جەدەلحاتتا.
ەسكە سالا كەتەيىك، بۇعان دەيىن 59 جاسقا قاراعان شاعىندا كورنەكتى جۋرناليست، مەملەكەت قايراتكەرى، «ۆرەميا» قوعامدىق-ساياسي گازەتىنىڭ باس رەداكتورى لەۆ تاراكوۆ كەنەتتەن ومىردەن وزعانىن جازعان بولاتىنبىز.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.