مەملەكەت باسشىسى بالالاردى سۋيتسيدكە يتەرمەلەيتىن جاعدايلارمەن كۇرەسۋ ءۇشىن كەشەندى شارالار قابىلداۋدى تاپسىردى

استانا. KAZINFORM -بالا قۇقىقتارى جونىندەگى ۋاكىل پرەزيدەنتكە ءبىر جىل ىشىندە بالالاردىڭ قۇقىقتارىن قورعاۋ جانە قاۋىپسىزدىگىن قامتاماسىز ەتۋ ماقساتىندا اتقارىلعان جۇمىستار جونىندە ەسەپ بەردى. بۇل تۋرالى اقوردانىڭ باسپا ءسوز قىزمەتى ءمالىم ەتتى.

قاسىم-جومارت توقايەۆ ايەلدەر مەن بالالاردىڭ قۇقىقتارىن قورعاۋ باعىتىندا قابىلدانعان زاڭنامالىق وزگەرىستەردىڭ ناتيجەسىندە تۇرمىستىق زورلىق-زومبىلىقتىڭ الدىن الۋ شارالارى كۇشەيتىلگەنىن جانە بالالارعا قاتىستى زورلىقتىڭ كەز كەلگەن تۇرىنە جازا قاتاڭداتىلعانىن اتاپ ءوتتى. زاڭعا بالا قۇقىقتارى جونىندەگى ۋاكىل مەن ازاماتتىق قوعام سەكتورى بىرلەسە ۇسىنعان نورمالار توپتاماسى ەندى.

دينارا زاكيەۆا قازىر اتالعان زاڭنامالىق نورمالاردى ناقتى جۇزەگە اسىرۋ ءۇشىن بەلسەندى جۇمىس جۇرگىزىلىپ جاتقانىن ايتتى.

«111» ءبىرىڭعاي بايلانىس جۇيەسى ىسكە قوسىلدى. سونداي-اق مەكتەپتەردە بۋللينگپەن كۇرەسۋ ءۇشىن КiVa باعدارلاماسى جانە 2024 -جىلدىڭ قىركۇيەك ايىنان باستاپ قاۋىپسىزدىك ساباقتارى ەنگىزىلەدى»، - دەدى ول.

بالا قۇقىقتارى جونىندەگى ۋاكىلدىڭ ايتۋىنشا:

- بالالارعا ارنالعان مەديتسينالىق-الەۋمەتتىك مەكەمەلەردىڭ قىزمەتكەرلەرى ءۇشىن ارنايى وقۋ كۋرسى باستالادى؛

- قورعانشىلىق جانە قامقورشىلىق ورگاندارىن كۇشەيتۋ ماسەلەسى پىسىقتالىپ جاتىر؛

- «سامۇرىق-قازىنا» ۇلتتىق ءال- اۋقات قورىمەن، سونداي- اق «قازاقستان حالقىنا» جانە «قامقورلىق» قورلارىمەن سەرىكتەستىك نەگىزدە 6 اۋتيزم ورتالىعى، 11 وڭىرلىك وڭالتۋ ورتالىعى اشىلدى.

بالا قۇقىقتارى جونىندەگى ۋاكىلدىڭ ەسەبىن تىڭداعان سوڭ پرەزيدەنت قۇقىقتىق ساۋاتتىلىق دەڭگەيىن كوتەرۋ جانە وقۋشىلار اراسىندا «زاڭ مەن ءتارتىپ» قاعيداتىن ناسيحاتتاۋ ماڭىزدى ەكەنىن ايتتى.

«وسىعان بايلانىستى قاسىم-جومارت توقايەۆ تۇركىستاندا وتكەن ۇلتتىق قۇرىلتايدىڭ ەكىنشى وتىرىسىندا بەرگەن تاپسىرماسىنا سايكەس ءبىرتۇتاس تاربيە باعدارلاماسى ازىرلەنگەنىن ەسكە سالدى. اتالعان باعدارلاما وسكەلەڭ ۇرپاقتىڭ بويىنا ادامي جانە ۇلتتىق قۇندىلىقتاردى ءسىڭىرىپ، ولاردىڭ شىعارماشىلىق قابىلەتىن شىڭداۋدى، ءوز بەتىنشە ارەكەت ەتۋ جانە كرەاتيۆتى ويلاۋ داعدىلارىن دامىتۋدى كوزدەيدى. دينارا زاكيەۆاعا وسى باعدارلامانى جۇزەگە اسىرۋ ءۇشىن پەداگوگتەر مەن اتا-انالاردىڭ اراسىنداعى جۇمىستى ۇيلەستىرۋ مىندەتى جۇكتەلدى»، - دەلىنگەن حابارلامادا.

كەزدەسۋ بارىسىندا جەتىم جانە اتا-اناسىنىڭ قامقورلىعىنسىز قالعان بالالارعا تۇرعىن ءۇي ءبولۋ، سونداي-اق اۋىلدىق جەرلەردە جەتكىنشەكتەرگە ارنالعان ينفراقۇرىلىمدى دامىتۋ ماسەلەلەرى تالقىلاندى.

مەملەكەت باسشىسى بالالار مەن جوسپىرىمدەر اراسىندا سۋيتسيدكە يتەرمەلەيتىن جاعدايلاردىڭ بەلەڭ الۋىنا جول بەرمەۋ ءۇشىن كەشەندى شارالار قابىلداۋ قاجەت ەكەنىنە نازار اۋداردى. سونىمەن قاتار قاسىم-جومارت توقايەۆ بالالار ءتراۆماتيزمى مەن وقىس وقيعالاردىڭ الدىن الۋ ماسەلەسىن ايرىقشا باقىلاۋدا ۇستاۋدى تاپسىردى.