ەلىمىزدە زياندى ءتۇتىن شىعاراتىن كولىكتەر كامەرا ارقىلى انىقتالماق

استانا. KAZINFORM - ەلىمىزدە زياندى ءتۇتىن شىعاراتىن كولىكتەردى كامەرا ارقىلى انىقتايتىن پيلوتتىق جوبا ەنگىزىلمەكشى. بۇل تۋرالى ق ر ءى ءى م اكىمشىلىك پوليتسيا كوميتەتىنىڭ باسقارما باستىعى، پوليتسيا پولكوۆنيگى مۇرات يمانبايەۆ ايتتى.

«الماتى قالاسىندا پيلوتتىق جوبا اياسىندا كولىكتەردەن زياندى ءتۇتىننىڭ شىعۋىن انىقتايتىن كامەرالار سىناقتان ءوتىپ جاتىر»، - دەپ قىسقا قايىردى مۇرات يمانبايەۆ جۋرناليستىڭ سۇراعىنا جاۋاپ بەرە كەلە و ك ق الاڭىندا.

اكىمشىلىك پوليتسيا كوميتەتىنىڭ ءتوراعاسى قايسار سۇلتانبايەۆ ازىرگە بۇل جوبا تۋرالى ايتۋ ەرتەرەك ەكەنىن، وسى پيلوتتىق جوبا وتكەننەن كەيىن بەلگىلى بولاتىن ناتيجەلەرگە قاراي شەشىم قابىلداناتىنىن اتاپ ءوتتى.

«ەكولوگيالىق احۋالعا بايلانىستى بۇل ماسەلەنى دە قاراستىرۋ ءجون (كولىكتەردەن شىعاتىن زياندى ءتۇتىندى كامەرا ارقىلى انىقتاۋ - رەد.) دەپ ەسەپتەيمىز»، - دەدى كوميتەت باسشىسى.

سونداي-اق قايسار سۇلتانبايەۆ بۇل باستاما پيلوتتىق جوبا رەتىندە ەندى قوسىلاتىنىن، ازىرگە تەك سىناقتان وتكىزىلىپ جاتقانىن اتاپ ءوتتى. ال جوبا ناقتى قاي كەزدە ىسكە قوسىلاتىنىن ايتپادى.

ايتا كەتەيىك، ەلىمىزدە «جاسىرىن پاترۋل» جۇيەسى ەنگىزىلىپ جاتىر.

سونداي- اق، بۇدان بىلاي ادام تاسىمالىمەن تەك جەكە تاسىمالداۋشى رەتىندە تىركەلگەن تۇلعالار عانا اينالىسا الاتىن بولادى.

ودان بولەك، ارنايى تانۋ بەلگىسىن تاقپاعان ەلەكتروموبيل جۇرگىزۋشىلەرىنە قانشا سومادا ايىپپۇل سالىناتىنىن جازعان ەدىك.

اۆتور

ەربول جانات