قازاقستاننىڭ جول قوزعالىسى ەرەجەسىنە سايكەس، جەڭىل اۆتوموبيل مەديتسينالىق ءدارى قوبديشاسىمەن، ءورت سوندىرگىشپەن جانە اپاتتىق توقتاۋ بەلگىسىمەن نەمەسە قىزىل ءتۇستى جىپىلىقتايتىن شاممەن جابدىقتالۋى ءتيىس.
بۇل رەتتە ءدارى قوبديشاسىن جۇكسالعىشقا سالىپ قويىپ، بىرنەشە جىل بويى تەكسەرمەۋ جەتكىلىكسىز. ونىڭ ىشىندەگى زاتتاردى، ءدارى-دارمەكتەر مەن مەديتسينالىق بۇيىمداردىڭ جارامدىلىق مەرزىمىن ۇنەمى تەكسەرىپ وتىرعان ءجون.
ءورت سوندىرگىش تە جارامدى بولۋى جانە قاجەت بولعان جاعدايدا قولجەتىمدى جەردە ورنالاسۋى كەرەك.
پايدالانۋعا تىيىم سالىنعان اقاۋلار نەمەسە جاعدايلار بولعان كەزدە كولىك باسقارعانى ءۇشىن اكىمشىلىك جاۋاپكەرشىلىك قاراستىرىلعان. ق ر ا ق ب ت ك- ءنىڭ 590-بابى 5-بولىگى بويىنشا ايىپپۇل 5 ا ە ك، ياعني 21625 تەڭگەنى قۇرايدى.
ەگەر وسىعان ۇقساس زاڭ بۇزۋشىلىق جاۋاپكەرشىلىككە تارتىلعاننان كەيىن ءبىر جىل ىشىندە قايتالانسا، ايىپپۇل 20 ا ە ك- كە، ياعني 86500 تەڭگەگە دەيىن ءوسۋى مۇمكىن.
ال قوسالقى دوڭگەلەك، دومكرات، سورعى جانە دوڭگەلەك بۇرايتىن كىلت جولدا قاجەت بولۋى مۇمكىن بولعانىمەن، اتالعان جول قوزعالىسى ەرەجەسى بويىنشا جەڭىل اۆتوكولىكتىڭ مىندەتتى جابدىقتارى تىزىمىنە كىرمەيدى.
سوندىقتان جولعا شىعار الدىندا جۇكسالعىشتى بىرنەشە مينۋت تەكسەرىپ العان ءجون: ءدارى قوبديشاسى، ءورت سوندىرگىش جانە اپاتتىق توقتاۋ بەلگىسى ورنىندا بولۋى كەرەك.
بۇعان دەيىن حابارلانعانداي، سولتۇستىك قازاقستان وبلىسىندا 21 مىڭنان استام تۇرعىننىڭ تولەنبەگەن ايىپپۇلى بار.