بۇل تۋرالى ۇكىمەت وتىرىسىندا ق ر پرەمەر-ءمينيسترىنىڭ ورىنباسارى -جاساندى ينتەللەكت جانە سيفرلىق دامۋ ءمينيسترى جاسلان ماديەۆ ءمالىم ەتتى.
- سونىمەن قاتار حالىققا قىزمەت كورسەتۋ ورتالىقتارىنىڭ جۇمىس فورماتىن وزگەرتۋدەمىز. جاڭا حالىقتىڭ تسيفرلىق كەڭسەلەرىندە ازاماتتار قىزمەتتەردى eGov GPT سيفرلىق كومەكشىسى ورناتىلعان تەرمينالدار ارقىلى ءوز بەتىنشە الا الادى. قاجەت بولعان جاعدايدا كونسۋلتانت كومەكتەسەدى. قازىر 4 وڭىردە 5 سيفرلىق كەڭسە اشىلدى. تاعى 10 وڭىردە قارجىلاندىرۋ ماسەلەسى شەشىلدى،-دەدى ج. ماديەۆ.
ونىڭ ايتۋىنشا، اكىمدىكتەر عيماراتتاردى دايىنداۋدى اياقتاپ، كەڭسەلەردى جىل سوڭىنا دەيىن اشۋ قاجەت. قالعان التى وڭىردە جۇمىستى جەدەلدەتىپ، قارجىلاندىرۋدى قامتاماسىز ەتۋ جانە كەڭسەلەردىڭ اشىلۋ كۇندەرىن ناقتى بەلگىلەۋ قاجەت. جاڭا فورماتتاعى قىزمەتتەر بارلىق وڭىردە قولجەتىمدى بولۋى ءتيىس.
ايتا كەتەيىك، جاقىندا QazTech, ۇلتتىق جي پلاتفورماسى جانە Digital Qazaqstan تۋرالى جازعان ەدىك.