حالىقارالىق سوتتا قازاقستانعا قاتىستى 20 ءىس قارالىپ جاتىر - ادىلەت مينيسترلىگى

استانا. KAZINFORM - ادىلەت مينيسترلىگىنىڭ وندىرىسىندە جالپى تالاپ سوماسى 7,5 ميلليارد ا ق ش دوللارىنان اساتىن 20 ءىس بار. بۇل تۋرالى ادىلەت مينيسترلىگى مەملەكەتتىڭ مۇلىك قۇقىعىن قورعاۋ دەپارتامەنتى ديرەكتورىنىڭ مىندەتىن اتقارۋشى ەرلان مۇسابايەۆ ءمالىم ەتتى.

ادىلەت مينيسترلىگى ۇكىمەتتىڭ تاپسىرماسى بويىنشا مەملەكەت مۇددەسىن حالىقارالىق اربيتراجدا جانە شەتەلدىك سوت ينستانتسياسىندا قورعاۋدى جانە ۇسىنۋدى قامتاماسىز ەتەدى.

ادىلەت مينيسترلىگىنىڭ وكىلى ەرلان مۇسابايەۆتىڭ مالىمدەۋىنشە، بۇگىندە ۆەدومستۆو وندىرىسىندە جالپى سوماسى 7,5 ميلليارد ا ق ش دوللارىنان اساتىن 20 ءىس بار.

ونىڭ ىشىندە:

- 13 ءىس حالىقارالىق اربيتراج؛

- 5 ءىس شەتەلدىك سوت؛

- 2 ءىس سوتقا دەيىنگى ساتىدا قارالىپ جاتىر.

- بيىل 28-اقپاندا «World Wide Minerals» كانادالىق ۋران كومپانياسىنىڭ قازاقستانعا قارسى 2013-جىلدان باستاپ جالعاسقان داۋى بويىنشا لوندون جوعارعى سوتى قازاقستان ءۇشىن وڭ شەشىم شىعاردى، بۇل شامامەن 65 ميلليون ا ق ش دوللارىن تولەۋى كەرەك بولعان 2024-جىلعى شەشىمنىڭ كۇشىن جويدى. WWM تالاپتارى ق ر ۇكىمەتى 1997-جىلى ۋران ەكسپورتىنا ليتسەنزيا بەرۋدەن باس تارتقان جانە سەلينوگراد تاۋ-حيميا كومبيناتىن سەنىمگەرلىك باسقارۋ شارتىن بۇزعان دەگەن مالىمدەمەگە نەگىزدەلگەن، - دەيدى سپيكەر.

ەسكە سالايىق، جىل باسىندا مەملەكەت باسشىسى قاسىم-جومارت توقايەۆ حالىقارالىق سوت اكىمشىلىگى قاۋىمداستىعىنىڭ باسشىسىن قابىلدادى.