شەتەلدىكتەر ەندى قازاقستاندىق بانك كارتالارىن 1 جىلدان ارتىق قولدانا المايدى
استانا. قازاقپارات - ەندى شەتەل ازاماتتارى قازاقستاندىق بانك كارتالارىن 1 جىلدان ارتىق قولدانا المايدى. قارجىلىق مونيتورينگ اگەنتتىگىنىڭ مالىمەتىنشە، جاڭا ەرەجە ينتەرنەت الاياقتىقپەن كۇرەستى كۇشەيتۋ ماقساتىندا قابىلدانىپ وتىر، دەپ حابارلايدى 24kz.
2024 -جىلدىڭ قورىتىندىسى بويىنشا قىلمىستىق كىرىستەردى زاڭداستىرۋ ماقساتىندا 6200 دروپ كارتانىڭ قولدانىلعانى بەلگىلى بولدى. ولار ەسىرتكى ساۋداسى، كيبەر الاياقتىق جانە زاڭسىز قۇمار ويىندارىندا پايداعا اسىپ، 24 ميلليارد تەڭگە اينالىمدا جۇرگەن. ال تەكسەرىس كەزىندە مۇنداي كارتا يەلەرىنىڭ �- ءى شەتەلدىك ازاماتتار ەكەنى انىقتالعان.
بەكجىگىت سەرىكباي، ق ر قارجىلىق مونيتورينگ اگەنتتىگىنىڭ رەسمي وكىلى:
- دروپتار - بۇل بانكتىك كارتالار مەن شوتتاردى راسىمدەۋ ءۇشىن قولداناتىن جالعان تۇلعالار. ءىس جۇزىندە دروپتار دەگەن حالىقتىڭ وسال توپتارىنا جاتاتىن ادامدار بولدى. ول جۇمىسسىزدار، ستۋدەنتتەر، زەينەتكەرلەر. ولار قىلمىستىق سحەمالارداعى رولدەردىڭ بارلىق سالدارىن تۇسىنبەيدى. مۇنداي كارتالاردىڭ يەلەرىنىڭ �- تەن استامى رەزيدەنت ەمەس تۇلعالار بولعان.
سونىمەن قاتار دروپپەرلەر تۋرالى اقپارات شەتەلدىك قۇقىق قورعاۋ ورگاندارىنا جولدانعان. زاڭسىز ارەكەتتەردى تۇپكىلىكتى جويۋ ءۇشىن قارجىلىق مونيتورينگ اگەنتتىگىنىڭ باستاماسىمەن كۇدىكتى شوتتاعى قاراجاتتاردى توقتاتۋ جانە قاشىقتان كورسەتىلەتىن بانك قىزمەتىن ءوشىرۋ مەحانيزمى ىسكە قوسىلدى. سونداي-اق ەندى بۇدان بىلاي 10 نان استام بانك كارتاسى بار كليەنتتەرگە دە تەكسەرىس كۇشەيتىلمەكشى.
بەكجىگىت سەرىكباي، ق ر قارجىلىق مونيتورينگ اگەنتتىگىنىڭ رەسمي وكىلى:
- ءبىر كليەنتكە بەرىلەتىن بانكتىك كارتالاردىڭ سانىن شەكتەۋ جانە 10 نەمەسە ودان دا كوپ كارتالارى بار كليەنتتەرگە تەكسەرىستەر كۇشەيتىلدى. كۇدىكتى وپەراتسيالاردى انىقتاۋ جانە كۇماندى كليەنتتەردى قارجى مونيتورينگ سۋبەكتىلەرىنە قىزمەتتەردەن اجىراتۋ ءۇشىن تيپولوگيالار ازىرلەندى.
24.kz