ەلەكتروندىق قۇجات تەگىن راسىمدەلەدى جانە 2017-جىلعى 1-قاڭتاردان باستاپ قازىرگى كۇنگە دەيىنگى دەرەكتەر بويىنشا قالىپتاستىرىلادى.
eGov.kz پورتالىنىڭ جانە eGov Mobile موبيلدى قوسىمشاسىنىڭ پايدالانۋشىلارى ەندى تاڭدالعان كەزەڭ بويىنشا قازاقستان رەسپۋبليكاسىنىڭ مەملەكەتتىك شەكاراسىن كەسىپ ءوتۋ فاكتىلەرى تۋرالى انىقتامانى ونلاين تۇردە الا الادى. قۇجات ەلەكتروندىق فورماتتا قالىپتاستىرىلادى جانە جەكە كابينەتتەن جۇكتەپ الۋعا قولجەتىمدى.
انىقتامادا اقپاراتتىق جۇيەدە كوزدەلگەن شەكارانى كەسىپ ءوتۋ كۇنى مەن ۋاقىتى، مارشرۋتى، قوزعالىس باعىتى، رەيس جانە كولىك قۇرالىنىڭ ءنومىرى، كىرگەن نەمەسە شىققان ەلى جانە وتكىزۋ پۋنكتى تۋرالى مالىمەتتەر كورسەتىلەدى.
eGov.kz پورتالىندا انىقتاما الۋ ءۇشىن پايدالانۋشىعا:
eGov.kz پورتالىندا اۆتوريزاتسيادان ءوتۋ؛
«قازاقستان رەسپۋبليكاسىنىڭ مەملەكەتتىك شەكاراسىنان كەسىپ ءوتۋ تۋرالى انىقتاما بەرۋ» قىزمەتىن تاڭداۋ؛
انىقتامانىڭ كىمگە راسىمدەلەتىنىن كورسەتۋ: «وزىنە»، «كامەلەتكە تولماعان بالاعا» نەمەسە «زاڭدى وكىل (ارەكەتكە قابىلەتسىز نەمەسە ارەكەت قابىلەتى شەكتەۋلى كامەلەتكە تولعانعاندارعا) »؛
مالىمەتتەر قاجەت بولاتىن ۋاقىت ارالىعىن كورسەتۋ؛
«قول قويۋ جانە انىقتامانى الۋ» باتىرماسىن باسۋ؛
وتىنىشكە قولجەتىمدى تاسىلدەردىڭ بىرىمەن قول قويۋ قاجەت.
وڭدەۋ اياقتالعاننان كەيىن ەلەكتروندىق انىقتاما eGov.kz پورتالىنداعى «مەنىڭ پروفيلىم - جەكە كابينەت» بولىمىندە قازاق جانە ورىس تىلدەرىندە قولجەتىمدى بولادى. ەگەر كورسەتىلگەن كەزەڭدە شەكارادان وتكەنى تۋرالى مالىمەتتەر بولماسا، ول جايلى دا انىقتامادا كورسەتىلەدى. سۇراۋدى 2017-جىلعى 1-قاڭتاردان باستاپ قازىرگى كۇنگە دەيىنگى ۋاقىت ارالىڭىنا قالىپتاستىرۋعا بولادى، بۇل رەتتە تاڭدالعان كەزەڭ ءۇش ايدان اسپاۋى ءتيىس. قىزمەت كورسەتۋ مەرزىمى - 15 مينۋتقا دەيىن.
eGov Mobile ءموبيلدى قوسىمشاسى ارقىلى انىقتامانى الۋ ءۇشىن كەلەسى قاكدامداردى رەتىمەن ورىنداۋ كەرەك:
«باستى بەت» بولىمىندە «قازاقستان رەسپۋبليكاسىنىڭ مەملەكەتتىك شەكاراسىنان كەسىپ ءوتۋ تۋرالى انىقتاما بەرۋ» قىزمەتىن تاڭداۋ قاجەت.
قىزمەت ج س ن بار بولعان جاعدايدا ق ر ازاماتتارىنا قولجەتىمدى جانە تەگىن كورسەتىلەدى. شەتەل ازاماتتارى ءۇشىن ق ر مەملەكەتتىك شەكاراسىنان وتكەنى تۋرالى انىقتامانى QazETA پورتالى ارقىلى الۋعا بولادى.
انىقتامانى وزىنە، كامەلەتكە تولماعان بالاعا، سونداي-اق زاڭنامادا كوزدەلگەن جاعدايلاردا ءوتىنىش بەرۋشى ونىڭ زاڭدى وكىلى بولىپ تابىلاتىن ارەكەتكە قابىلەتسىز نەمەسە ارەكەت قابىلەتى شەكتەۋلى كامەلەتكە تولعان ادامعا راسىمدەۋگە بولادى. انىقتامانى بالاعا راسىمدەۋ كەزىندە ول تۋرالى مالىمەتتەر ازاماتتىق حال اكتىلەرىن تىركەۋ ورگاندارىنىڭ (ا ح ا ت) اقپاراتتىق جۇيەلەرىندەگى دەرەكتەر نەگىزىندە اۆتوماتتى تۇردە جۇكتەلەدى.
انىقتاما سمارتفوندى نەمەسە پلانشەتتى شەتەلدەن وزدىگىنەن اكەلىپ، ونى قازاقستان وپەراتورلارىنىڭ جەلىلەرىندە جەكە پايدالانۋ ءۇشىن IMEI كودىن تىركەيتىن ازاماتتارعا دا قاجەت بولۋى مۇمكىن.
ارەكەتكە قابىلەتسىز نەمەسە ارەكەت قابىلەتى شەكتەۋلى كامەلەتكە تولعان ادامعا، قورعانشىلىقتاعى ارەكەتكە قابىلەتسىز بالاعا انىقتامانى راسىمدەۋ كەزىندە پايدالانۋشىعا ق ر وقۋ-اعارتۋ مينيسترلىگى مەن ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ اقپاراتتىق جۇيەلەرىندەگى دەرەكتەر نەگىزىندە قالىپتاستىرىلعان تىزىمنەن ءتيىستى ادامدى تاڭداۋ مۇمكىندىگى بەرىلەدى.
قىزمەت شەكارادان ءوتۋ فاكتىلەرىن رەسمي تۇردە راستاۋ پروتسەسىن جەڭىلدەتەدى. انىقتاما مەملەكەتتىك اقپاراتتىق جۇيەلەردەگى مالىمەتتەر نەگىزىندە اۆتوماتتى تۇردە قالىپتاستىرىلادى، ەلەكتروندىق تسيفرلىق قولتاڭبامەن كۋالاندىرىلادى جانە زاڭدى كۇشى بار. بۇل ازاماتتار ءۇشىن قۇجاتتى الۋ پروتسەسىن جىلدام، ىڭعايلى ءارى اشىق ەتەدى.
اتالعان قىزمەت ق ر جاساندى ينتەللەكت جانە سيفرلىق دامۋ مينيسترلىگىنىڭ مەملەكەتتىك قىزمەتتەر كوميتەتى، «ۇلتتىق اقپاراتتىق تەحنولوگيالار» ا ق جانە ق ر ۇلتتىق قاۋىپسىزدىك كوميتەتىنىڭ بىرلەسكەن جۇمىسىنىڭ ناتيجەسىندە ازىرلەندى.