ەلوردادا ءوتىپ جاتقان العاشقى مەديتسينالىق-سانيتاريالىق كومەك جونىندەگى حالىقارالىق كونفەرەنسيادا بايانداما جاساعان دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس گەبرەيەسۋس قازاقستاننىڭ دەنساۋلىق ساقتاۋ سالاسىندا جەتكەن جەتىستىكتەرىنە توقتالدى، دەپ حابارلايدى Kazinform.
«قازاقستان 2009-2020 -جىلدار ارالىعىندا دەنساۋلىق ساقتاۋ سالاسىنىڭ تيىمدىلىگى يندەكسىندە ءوز ناتيجەسىن جاقسارتتى. ياعني، قازاقستان يندەكستە 39-ورىننان 72-ورىنعا شىقتى. بۇل ناتيجەلەر كەيبىر ەۋروپا ەلدەرىنە قاراعاندا الدەقايدا جوعارى. ون جىلداعى ناتيجەلەر ءىس جۇزىندە ەكى ەسەگە ءوستى. سونداي-اق، قازاقستان قىسقا مەرزىمدە ءومىر ءسۇرۋ ۇزاقتىعىنىڭ ارتۋى تۇرعىسىنان ەڭ جاقسى كورسەتكىشتەرگە جەتتى»، - دەپ توقتالدى تەدروس گەبرەيەسۋس ءوز بايانداماسىندا.
قوسا كەتسەك، اتالعان كونفەرەنتسياعا قاتىسقان مەملەكەت باسشىسى قاسىم-جومارت توقايەۆ العاشقى مەديتسينالىق كومەك قىزمەتىن ۇيلەستىرەتىن جاھاندىق كواليتسيا قۇرۋدى ۇسىندى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан