استانا. KAZINFORM - بۇگىن ب ۇ ۇ باس اسسامبلەياسى 152 ەلدىڭ بىرلەسكەن اۆتورلىعىمەن ورتالىق ازيا مەن اۋعانستان ءۇشىن ورنىقتى دامۋ ماقساتتارى جونىندەگى ب ۇ ۇ- نىڭ ايماقتىق ورتالىعىن الماتىدا اشۋ تۋرالى قاراردى كونسەنسۋس نەگىزىندە قابىلدادى.
بۇل تۋرالى بۇگىن ءوزىنىڭ Telegram پاراقشاسىندا قازاقستان رەسپۋبليكاسى پرەزيدەنتىنىڭ كەڭەسشىسى - پرەزيدەنتتىڭ باسپا ءسوز حاتشىسى رۋسلان جەلدىباي جازدى.
- بۇل - ەلىمىزدىڭ سىرتقى ساياساتتاعى ايتۋلى جەتىستىگى. پرەزيدەنت قازاقستاننىڭ باستاماسىن قولداعانى ءۇشىن بارلىق سەرىكتەس-ەلدەرگە ريزاشىلىق ءبىلدىردى، - دەپ جازدى ول.
مەملەكەت باسشىسىنىڭ پىكىرىنشە، ب ۇ ۇ- نىڭ ايماقتىق حابى حالىقارالىق ءىس-قيمىلدى ۇيلەستىرۋدىڭ ماڭىزدى الاڭىنا اينالادى.
قازاقستاننىڭ ب ۇ ۇ- داعى العاشقى تۇراقتى وكىلى اقمارال ارىستانبەكوۆا kazinform اگەنتتىگىنىڭ تىلشىسىنە بەرگەن سۇحباتىندا قازاقستاننىڭ بىرىككەن ۇلتتار ۇيىمى قىزمەتىندەگى ەلەۋلى ءرولى تۋرالى ايتتى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.