ايدا بالايەۆا ادام ءجۇزىن بۇركەمەلەيتىن ءدىني كيىمگە تىيىم تۋرالى: ءالى ناقتى شەشىم جوق
11:58, 28 - ماۋسىم 2024
استانا. KAZINFORM - مادەنيەت جانە اقپارات ءمينيسترى پارلامەنت پالاتالارىنىڭ بىرلەسكەن وتىرىسىنىڭ الدىندا ادام ءجۇزىن بۇركەمەلەپ تۇراتىن ءدىني كيىمدەرگە تىيىم سالۋ ۇسىنىسىنا پىكىر ءبىلدىردى.
ءماجىلىس كۋلۋارىندا ب ا ق وكىلدەرىنىڭ سۇراعىنا جاۋاپ بەرگەن مادەنيەت جانە اقپارات ءمينيسترى ءدىني كيىم ۇلگىلەرىمەن بايلانىستى تالاپتار ءدىن ساياساتىنىڭ جاڭا تۇجىرىمداماسىندا كورىنىس تاباتىنىن ايتتى.
«ءبىز وسى ۋاقىتقا دەيىن تۇجىرىمدامانى تالقىلاپ جاتقانىمىزدى ايتتىق. ءدىني ساياساتتىڭ جاڭا تۇجىرىمداماسى بۇل. ءبىز تەك قاۋىپسىزدىك ماسەلەلەرى جونىندە ايتىپ وتىرمىز. سوندىقتان ناقتى شەشىم ءالى جوق»، - دەدى ايدا بالايەۆا.