بۇل تۋرالى ۇكىمەت وتىرىسىندا ق ر پرەمەر- ءمينيسترى اسقار مامين ايتتى، دەپ حابارلايدى قازاقپارات ءتىلشىسى.
«قازىرگى تاڭدا، ەپيدەميولوگيالىق جاعداي ءبىرشاما تۇراقتالدى. ۆيرۋستىڭ رەپرودۋكتيۆتىلىك يندەكسى 1 گە تومەندەدى. اۋرۋحانالارداعى ورىندار - 41 پايىزعا، رەانيماتسيالىق بولىمدەردەگى ورىنداردىڭ جۇكتەلۋى - 28 پايىزعا دەيىن ازايدى. سوندىقتان، بۇگىنگى ەڭ ماڭىزدى مىندەت ازاماتتارىمىزدى كوروناۆيرۋسقا قارسى ۆاكتسيناتسيامەن جاپپاي قامتۋ بولىپ تابىلادى»، - دەدى ۇكىمەت باسشىسى.
ونىڭ اتاپ وتۋىنشە، ءساۋىر ايىنىڭ قورىتىندىسى بويىنشا ۆاكسيناتسياعا جاتاتىن ازاماتتاردىڭ 20 پايىزى كوروناۆيرۋسقا قارسى ەكپە الۋعا ءتيىس. ۆاكسينالاۋ جوسپارى مەن وڭىرلەرگە ۆاكتسينانى جەتكىزۋ گرافيگىن ساقتاۋ كەرەك. سونداي- اق ماسكا كيۋ، قاشىقتىقتى ساقتاۋ جانە ادامداردىڭ جينالۋىنا جول بەرمەۋ بويىنشا تالاپتاردىڭ قاتاڭ ساقتالۋى ماڭىزدى.
«كەشەگى كۇننەن باستاپ كاسىپكەرلىك نىساندارىندا «Ashyq» قوسىمشاسىن پايدالۋ باستالدى. اتاپ ايتقاندا، كينوتەاترلار مەن تەاترلاردا بۇل جوبا ءتيىمدى ىسكە اسۋدا. ەندى «Ashyq» جوباسى اياسىندا كافە مەن مەيرامحانالار، سونىمەن قاتار كورمەلەر، ساۋدا ورتالىقتارى جانە سپورت وبەكتىلەرى، سونىڭ ىشىندە فيتنەس زالدارى اشىلۋعا دايىن. جالپى، قازىرگى جاعدايدا «Ashyq» قوسىمشاسىن كەڭىنەن پايدالانۋ - بيزنەسكە ءوز قىزمەتىن جانداندىرۋعا مۇمكىندىك بەرەدى»، - دەدى اسقار مامين.