پاريجدە قازاقستان پرەزيدەنتىن سالتاناتتى قارسى الۋ ءراسىمى ءوتتى
16:40, 05 - قاراشا 2024
استانا. KAZINFORM - قاسىم-جومارت توقايەۆتىڭ فرانسيا رەسپۋبليكاسىنا مەملەكەتتىك ساپارى سالتاناتتى قارسى الۋ راسىمىنەن باستالدى.
مەملەكەت باسشىسىن اسكەري وركەستردىڭ سۇيەمەلدەۋىمەن پرەزيدەنت ەممانيۋەل ماكرون قارسى الدى. قازاقستان مەن فرانسيانىڭ مەملەكەتتىك ءانۇراندارى شىرقالدى.
پرەزيدەنتتەر رەسپۋبليكالىق گۆارديا، اۋە-عارىش، قۇرلىق جانە تەڭىز اسكەرلەرىنەن جاساقتالعان قۇرمەت قاراۋىلىنىڭ الدىنان ءجۇرىپ ءوتتى. بۇدان كەيىن مەملەكەتتەر باسشىلارى قۇرمەت قاراۋىلىنىڭ سالتاناتتى شەرۋىن تاماشالادى.
قاسىم-جومارت توقايەۆ پەن ەممانيۋەل ماكرون ءبىر-بىرىنە رەسمي دەلەگاتسيا مۇشەلەرىن جانە قۇرمەتتى قوناقتاردى تانىستىردى.