كەڭەس بارىسىندا باسەكەلەستىكتى قورعاۋ جانە دامىتۋ اگەنتتىگىنىڭ (ب ق د ا) ءتوراعاسى مارات وماروۆ ەكونوميكانىڭ بازالىق سالالارىندا نەگىزگى تاۋار نارىقتارىنداعى باسەكەلەستىكتىڭ جاي- كۇيى، ۇكىمەتپەن بىرلەسىپ جۇرگىزىلىپ جاتقان جۇمىستار جانە باسەكەلەستىكتى دامىتۋ جونىندەگى جارلىقتاردىڭ جوبالارىن ازىرلەۋ قاجەتتىلىگى تۋرالى ايتتى.
ازاماتتىق اۆياتسيانى دامىتۋ شەڭبەرىندە بارلىق تاسىمالداۋشىلارعا «اشىق اسپان» رەجيمىنىڭ قولجەتىمدىلىگىن تولىق قامتاماسىز ەتۋ جانە اۆياتسيالىق وتىن جەتكىزۋ نارىعىندا باسەكەلەستىكتى دامىتۋ ماسەلەلەرى پىسىقتالاتىنى اتاپ ءوتىلدى. سونىمەن قاتار ديناميكالىق باعا بەلگىلەۋ جۇيەسى رەتتەلىپ، ن ق ا- دان «وتىن الىمى» تۇسىنىگى الىنىپ تاستالادى. بۇل بيلەت باعاسىنىڭ نەگىزسىز كوتەرىلۋىنە جول بەرمەيدى.
بايلانىس نارىعىنىڭ شەڭبەرىندە «قازاق تەلەكوم» ا ق كومپانيالار توبىن دەمونوپوليزاتسيالاۋدى اياقتاۋ، سونداي- اق 5G جەلىسىندەگى جيىلىكتەردى ۇسىنۋ بويىنشا ولارعا يەلىك ەتەتىن كومپانيالاردىڭ اۋكسيوندارعا قاتىسۋىن شەكتەۋ جوسپارلانىپ وتىر.
كومىر نارىعىنداعى باسەكەلەستىكتى دامىتۋ اياسىندا ايماقتىق وپەراتورلارعا كوممۋنالدىق- تۇرمىستىق كومىردى تىكەلەي جەتكىزۋدى ۇلعايتۋ جانە 2024 -جىلعا قاراي ونىمەن بيرجالىق ساۋدا- ساتتىق نورماتيۆىن ارتتىرۋ، سونداي- اق نارىققا بالامالى جەر قويناۋىن پايدالانۋشىلاردى جىبەرۋدى كەڭەيتۋ جوسپارلانىپ وتىر.
پرەمەر- مينيستر ەنەرگەتيكالىق كومىر باعاسىنىڭ نەگىزسىز وسۋىنە جول بەرمەۋ جونىندە شارالار قابىلداۋ قاجەتتىگىن اتاپ ءوتتى.
سونىمەن قاتار كەڭەس بارىسىندا مۇناي ونىمدەرىنىڭ كوتەرمە ساۋدا سالاسىنداعى بارلىق پروتسەستەردى اۆتوماتتاندىرۋ (ج ق س تاراپىنان تۇسكەن وتىنىمدەردى ونلاين تىركەۋ جانە ت. ب.)، ءبىرىڭعاي ەلەكتر ەنەرگياسىن ساتىپ الۋشىنىڭ ساتىپ الۋلارىنداعى اشىقتىقتى قامتاماسىز ەتۋ، ق ت ج ۇلتتىق وپەراتورى اياسىندا جەكە تەمىرجول تاسىمالدارىن دامىتۋ، سونداي- اق تاسىمالداۋ پروتسەسىن جوسپارلاۋ جانە باسقارۋ پروتسەستەرىن اۆتوماتتاندىرۋ جونىندەگى شارالار تالقىلاندى.