اپتا باسىندا مۇرات وتەمىس ۇلى جۇرەبەكوۆ ق ر پرەمەر-ءمينيسترىنىڭ كەڭەسشىسى بولىپ تاعايىندالدى.
مۇرات جۇرەبەكوۆ 1978 -جىلى اقتوبە وبلىسىندا دۇنيەگە كەلگەن. ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىن (1999)، قازاقستان مەنەدجمەنت، ەكونوميكا جانە بولجاۋ ينستيتۋتىن (2001)، Strathclyde ۋنيۆەرسيتەتىن (گلازگو، شوتلانديا، 2003)، گارۆارد بيزنەس مەكتەبىن (بوستون، ا ق ش، 2013)، قازاقستان-بريتان تەحنيكالىق ۋنيۆەرسيتەتىن (2019) بىتىرگەن.
ءار جىلدارى «قازترانسگاز» ج ا ق، «ينتەرگاز ورتالىق ازيا» ج ا ق، لوندونداعى «ادجيپ ك ك و»، «قازمۇنايگاز» ۇ ك» ا ق جانە «PSA» ج ش س- دا جاۋاپتى قىزمەتتەر اتقاردى. 2019 -جىلعى شىلدەدەن جەلتوقسانعا دەيىن قازاقستان رەسپۋبليكاسى ەنەرگەتيكا ۆيتسە-ءمينيسترى بولىپ قىزمەت ەتتى، كەيىن ەنەرگەتيكا ءبىرىنشى ۆيتسە-ءمينيسترى بولىپ تاعايىندالدى. 2023 -جىلدىڭ قاڭتار- ماۋسىم ايلارى ارالىعىندا اقتوبە قالاسىنىڭ اكىمى بولىپ قىزمەت اتقاردى.
سونىمەن بىرگە، بەس قالانىڭ پوليتسيا باسقارماسىنا جاڭا باسشىلار تاعايىندالدى.
وسىلايشا تاراز قالالىق پوليتسيا باسقارماسىنىڭ باستىعى لاۋازىمىنا سماتوۆ قانات ەرالى ۇلى، جامبىل وبلىسى پ د جامبىل اۋداندىق پوليتسيا ءبولىمىنىڭ باستىعى لاۋازىمىنا - ماديماروۆ ارداق تىلەگەن ۇلى تاعايىندالدى.
ورال قالالىق پوليتسيا باسقارماسىنىڭ باستىعى بولىپ ابدراحمانوۆ اسقار قوڭىر ۇلى بەكىتىلگەن. بۇعان دەيىن ول باتىس قازاقستان وبلىستىق پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى قىزمەتىن اتقارعان.
ال يمانوۆ بولات ساپارعالي ۇلى قوستاناي قالالىق پوليتسيا باسقارماسى باستىعى لاۋازىمىنا تاعايىندالدى. ول بۇرىن رۋدنىي قالاسىنىڭ پوليتسياسىن باسقارعان.
رۋدنىي قالاسى پ ب باستىعى بولىپ قوستاناي وبلىسى پ د جەرگىلىكتى پوليتسيا قىزمەتى باسقارماسى باستىعىنىڭ ورىنباسارى بولىپ جۇمىس ىستەگەن بايزاقوۆ امانجول مامبەت ۇلى كىرىستى.
ارقالىق قالالىق پوليتسيا باسقارماسىنىڭ باستىعى بولىپ بايمۋرزين ورال تۋمۋرزا ۇلى بەكىتىلدى. ول بۇعان دەيىن قوستاناي وبلىسى پد جەرگىلىكتى پوليتسيا قىزمەتى باسقارماسى باستىعىنىڭ ورىنباسارى قىزمەتىن اتقارعان.
ق ر ۇكىمەتىنىڭ قاۋلىسىمەن ەرلان قۇدايبەرگەن ۇلى اقكەنجەنوۆ ق ر ەنەرگەتيكا ۆيتسە-ءمينيسترى بولىپ تاعايىندالدى.
ەرلان اقكەنجەنوۆ 1979 -جىلى الماتى قالاسىندا دۇنيەگە كەلگەن. «ادىلەت» جوعارى قۇقىق مەكتەبىن جانە «استانا» ۋنيۆەرسيتەتىن بىتىرگەن. ەڭبەك جولىن 2002 -جىلى جەكە مەنشىك ۇيىمدا باس مامان بولىپ باستاعان.
ول 2004-2012 -جىلدارى مۇناي سالاسىنداعى كاسىپورىنداردا باسشىلىق لاۋازىمداردا بولدى. 2012-2016 -جىلدارى KPMG International (Rompetrol) كومپانياسىندا باس مەنەدجەر، ترەيدينگ جونىندەگى اعا باسقارۋشى ديرەكتور بولىپ جۇمىس ىستەدى. 2016 -جىلدان 2022 -جىلعا دەيىن كوممەرتسيالىق قۇرىلىمداردا جۇمىس ىستەدى. 2022 -جىلعى شىلدە ايىنان باستاپ قازىرگى ۋاقىتقا دەيىن «قازمۇنايگاز» ۇ ك» ا ق مۇناي ونىمدەرى ماركەتينگى باسقارماسىنىڭ باستىعى بولىپ قىزمەت ەتتى.
«قازاتومونەركاسىپ» ۇلتتىق اتوم كومپانياسى» ا ق باسشىلىعى قۇرامىندا دا ءبىرقاتار اۋىس- ءتۇيىس بولدى.
قۋانىش وماربەكوۆ 2023 -جىلعى 23-ماۋسىمنان باستاپ قازاتومونەركاسىپتىڭ ءوندىرىس جونىندەگى باس ديرەكتورى لاۋازىمىنا تاعايىندالدى. ونىڭ فۋنكتسيونالدىق مىندەتتەرىنە كومپانيانىڭ جانە ەنشىلەس كاسىپورىنداردىڭ گەولوگيالىق بارلاۋ جۇمىستارىن جۇرگىزۋ، جەر قويناۋىن پايدالانۋ، تاۋ- كەن دايىنداۋ جۇمىستارى، ۋران ءوندىرۋ جانە قايتا وڭدەۋ، وندىرىستىك اكتيۆتەردى باسقارۋ ماسەلەلەرى بويىنشا قىزمەتىن ۇيلەستىرۋ جانە باقىلاۋ كىرەدى.
ق. وماربەكوۆ 2011 -جىلدان باستاپ «KAP Logistics» ج ش س-تە ءارتۇرلى باسشىلىق لاۋازىمداردا قىزمەت اتقارعان، ونىڭ ىشىندە 2018-2022 -جىلدار ارالىعىندا «KAP Logistics» ج ش س-تىڭ باس ديرەكتورى بولىپ جۇمىس ىستەدى. وماربەكوۆتىڭ «قازاتومونەركاسىپ» ۇ ا ك» ا ق ءوندىرىس جونىندەگى باس ديرەكتورى لاۋازىمىنا تاعايىندالعانعا دەيىنگى سوڭعى جۇمىس ورنى «اقباستاۋ» ب ك» ا ق بولدى، وندا قۋانىش وماربەكوۆ 2022 -جىلعى جەلتوقساننان باستاپ باس ديرەكتور قىزمەتىن اتقاردى.
وڭىرلەرگە ويىسساق، الماتى قالاسى ەنەرگەتيكا جانە سۋمەن جابدىقتاۋ باسقارماسىنىڭ باسشىسى لاۋازىمىنا تالعات مالىبايەۆ تاعايىندالدى.
تالعات مالىبايەۆ 1987 -جىلى 20-جەلتوقساندا قاراعاندى وبلىسىندا تۋعان.
قاراعاندى مەملەكەتتىك تەحنيكالىق ۋنيۆەرسيتەتىن «كولىك» ماماندىعى بويىنشا بىتىرگەن. ەڭبەك جولىن 2010 -جىلى قاراعاندىداعى «اگرو- كونسالتينگ-ك» ا ق ستراتەگيا جانە بيۋدجەتتىك جوسپارلاۋ دەپارتامەنتىنىڭ مامانى رەتىندە باستادى.
ءار جىلدارى ت. مالىبايەۆ قۇرىلىس كومپانيالارىندا جۇمىس ىستەدى، سونداي-اق الماتى قالاسىنىڭ «الماتى جىلۋ جەلىلەرى» ج ش س-دە، الماتى وبلىسىنىڭ «جەتىسۋ» ا ك ك ۇ ك ا ق- دا باسشىلىق قىزمەتتەر اتقاردى. تاعايىندالعانعا دەيىن «الماتى قالاسىن دامىتۋ ورتالىعى» ا ق ت ك ش قىزمەتتەرىنىڭ ساپاسىن ارتتىرۋدىڭ بازالىق باعىتىن ىسكە اسىرۋ توبىنىڭ باسشىسى بولىپ جۇمىس ىستەدى.
وعان قوسا، الماس شابداربايەۆ الماتى قالاسى قۇرىلىس باسقارماسى باسشىسىنىڭ مىندەتىن ۋاقىتشا اتقارادى.
الماس شابداربايەۆ 1972 -جىلى جەتىسۋ وبلىسى، قىزىلتۋ اۋىلىندا تۋعان. قازاق مەملەكەتتىك باسقارۋ اكادەمياسى جانىنداعى نارىق ينستيتۋتىن جانە الماتىنىڭ زووۆەتەرينارلىق ينستيتۋتىن بىتىرگەن. ول ق ر پارلامەنتى ءماجىلىسى ءتوراعاسى ورىنباسارىنىڭ كومەكشىسى، ق ر تابيعي مونوپوليالاردى رەتتەۋ جانە باسەكەلەستىكتى قورعاۋ اگەنتتىگى اكىمشىلىك جۇمىس دەپارتامەنتىنىڭ ديرەكتورى بولىپ جۇمىس ىستەدى.
ءار جىلدارى ق ر قارجى مينيسترلىگىندە، ق ر دەنساۋلىق ساقتاۋ مينيسترلىگىندە، «جاسىل دامۋ» ا ق، «قازاتومونەركاسىپ» ۇ ا ك» ا ق- دا باسشىلىق قىزمەتتەر اتقاردى. سونداي-اق، «Mabco Constriction SA» شەتەلدىك قۇرىلىس كومپانياسى فيليالىنىڭ اپپارات باسشىسى بولدى. تاعايىندالعانعا دەيىن «قازاقستاندىق تۇرعىن ءۇي كومپانياسى» ا ق باسقارما ءتوراعاسىنىڭ كەڭەسشىسى بولىپ جۇمىس ىستەدى.
اتىراۋ وبلىسى اكىمىنىڭ مۇگەدەكتەر ماسەلەسى جونىندەگى ءۇش كەڭەسشىسى تاعايىندالدى. شتاتتان تىس كەڭەسشىلەردىڭ ەكەۋىنىڭ مۇگەدەكتىگى بار، ال، بىرەۋى ەرەكشە بالا تاربيەلەپ وتىر.
وبلىستىق ءماسليحاتتىڭ دەپۋتاتى گۇلناز قوسمۇرزيەۆا قولارباعا تاعىلعان جانداردىڭ ماسەلەسىن كوتەرەدى. ونىڭ ءوزى قولاربامەن جۇرەدى.
ال مارات ۇمبەتاليەۆ زاعيپتار كەزىگىپ وتىرعان قيىندىقتاردىڭ وڭ شەشىلۋىنە قولعابىس ەتەدى. ول بۇعان دەيىن وبلىس اكىمىنىڭ شتاتتان تىس كەڭەسشىسى بولعان.
جەرگىلىكتى بيلىككە ەرەكشە بالا تاربيەلەپ وتىرعان انالاردىڭ جانايقايىن اكىمنىڭ كەڭەسشىسى بولىپ تاعايىندالعان گۇلجان حۇسايىنوۆا جەتكىزەدى. ويتكەنى، ولنىڭ ءوزى دە مۇمكىندىگى شەكتەۋلى بالا تاربيەلەپ وتىرعاندىقتان، بۇل ماسەلەمەن جەتە تانىس دەۋگە بولادى.
ق ر پرەزيدەنتى اكىمشىلىگىنىڭ جانە اۋداندىق ءماسليحاتتىڭ كەلىسىمىمەن سارىسۋ اۋدانىنىڭ اكىمى لاۋازىمىنا ساكەن ۇمبەت ۇلى مامىتوۆ تاعايىندالدى.
ساكەن ۇمبەت ۇلى 1974 -جىلى سارىسۋ اۋدانىندا تۋعان. 2007 -جىلى ا. ياساۋي اتىنداعى حالىقارالىق قازاق- تۇرىك ۋنيۆەرسيتەتىن «ستاندارتتاۋ، مەترولوگيا جانە سەرتيفيكاتتاۋ» ماماندىعى بويىنشا بىتىرگەن. ەڭبەك جولىن جاڭاتاس نان زاۋىتىندا جۇمىسشى بولىپ باستاعان.
ءار جىلدارى «جاڭاتاس نان» ا ق ۆيتسە- پرەزيدەنتى، جاڭاتاس اسكەريلەندىرىلگەن قۇتقارۋ ۆزۆودىنىڭ قۇتقارۋشىسى، بولىمشە كومانديرى، سارىسۋ اۋدانى اكىمى اپپاراتىنىڭ كەڭسە ءبولىمىنىڭ، كادرلىق جۇمىس ءبولىمىنىڭ باس مامانى، ۇيىمداستىرۋ- ينسپەكتورلىق جانە مەملەكەتتىك- قۇقىقتىق جۇمىس ءبولىمىنىڭ باس ينسپەكتورى، اۋدان اكىمدىگىنىڭ جۇمىسپەن قامتۋ جانە الەۋمەتتىك باعدارلامالار ءبولىمى «حالىقتى جۇمىسپەن قامتۋ ورتالىعىنىڭ» ديرەكتورى قىزمەتتەرىن اتقارعان.
سونداي- ق، 2016-2019 -جىلدارى جاڭاتاس قالاسىنىڭ اكىمى، 2019-2021 -جىلدارى سارىسۋ اۋداندىق ءماسليحاتى اپپاراتىنىڭ باسشىسى جانە 2021 -جىلدان باستاپ بۇگىنگى كۇنگە دەيىن سارىسۋ اۋدانى اكىمىنىڭ ورىنباسارى لاۋازىمىندا ەڭبەك ەتىپ كەلدى.