«سىرتقى ىستەر مينيسترلىگىنىڭ جەلىسى ارقىلى ونداي اقپارات كەلىپ تۇسكەن جوق. مۇمكىن پروفيلدىك مينيسترلىكتەر اراسىندا وزدەرىنىڭ كەلىسىمى بار شىعار. ءبىراق ءبىز ارقىلى ونداي كومەك ۇسىنىلعان جوق»، - دەدى ول.
رەسمي وكىلدىڭ ايتۋىنا قاراعاندا، اپاتتى اۋىزدىقتاۋعا شاماسى جەتپەي جاتسا، قازاقستان سىرتتان كومەك سۇراۋعا ءماجبۇر بولادى.
«ازىرشە ءبىز ونداي كومەك سۇراپ جاتقان جوقپىز. مەنىڭ ەستۋىمشە، 1-2 مەملەكەت كومەك كورسەتۋگە دايىن ەكەندەرىن ءبىلدىردى. وزدەرىڭىز بىلەسىزدەر، مەملەكەت باسشىسى تەلەفون ارقىلى سويلەستى، ءبىزدىڭ مينيستر تەلەفون ارقىلى سويلەستى»، - دەگەن ايبەك سمادياروۆ تىلشىلەردىڭ ناقتىلاۋ سۇراعىنا كومەك ۇسىنعان ەلدەر تۇركيا مەن وزبەكستان ەكەنىن راستادى.