بۇعان دەيىن ب ا ق بەتتەرىندە قازاقستان سالىنعان سانكسيالاردى ايلانىپ ءوتىپ، رەسەيگە چيپتەر مەن دروندار تاسىمالداپ جاتىر دەگەن اقپارات تارادى.
«مەن قازىر قانداي كومپانيا تۋرالى ايتىپ وتىرعانىڭىزدى بىلمەيمىن. ءبىراق، قازىر بىزدە تاۋەكەلدەردى باسقارۋدىڭ ناقتى جۇيەسى بار. ءبىز قايتالاما سانكسيالارعا جول بەرمەيمىز. ونىڭ ىشىندە سوعىس قيمىلدارىن ۋشىقتىراتىن تاۋار تۇرلەرى دە بار»، - دەپ توقتالدى ەرۇلان جاماۋبايەۆ.
قوسا كەتسەك، قازاقستان قارجى سەكتورىنىڭ قايتالاما سانكسيالارعا تۇسپەۋى ءۇشىن ءتيىستى شەشىم قابىلدادى. اتاپ ايتقاندا، ەلىمىزدەگى ەكىنشى دەڭگەيلى بانكتەر رەسەيگە قاتىستى سانكسيا تالاپتارىن ورىنداۋ باعىتىندا ءتيىستى راسىمدەردى كۇشەيتتى.