ساياسي ۇيىمنىڭ باسپا ءسوز قىزمەتى حابارلاعانداي، بۇگىن AMANAT پارتياسىنىڭ ءتوراعاسى ەرلان قوشانوۆتىڭ قاۋلىسىمەن پارتيانىڭ اتقارۋشى حاتشىسى قىزمەتىنە ەلنۇر سابىرجان ۇلى بەيسەنبايەۆ تاعايىندالعان.
ەلنۇر سابىرجان ۇلى 1986 -جىلى 27-ماۋسىمدا سول كەزدەگى وڭتۇستىك قازاقستان وبلىسىنىڭ كەنتاۋ قالاسىندا دۇنيەگە كەلگەن.
ءال- فارابي اتىنداعى قازاق ۇلتتىق ۋنيۆەرسيتەتىنىڭ تۇلەگى. ساياسات تانۋشى، الەۋمەتتىك عىلىمدار ماگيسترى.
2008 -جىلى ءال- فارابي اتىنداعى قازۇۋ- دىڭ فيلوسوفيا جانە ساياساتتانۋ فاكۋلتەتىن ءبىتىردى.
ەڭبەك جولىن «جاستار ءۇنى» جاستار قوعامدىق ۇيىمىندا مامان رەتىندە باستاپ، 2009 -جىلى وسى ۇيىمعا ءتوراعا بولىپ تاعايىندالعان.
2012-2015 -جىلدارى تاريح ءپانىنىڭ ءمۇعالىمى، قازاقستان كوممۋنيستىك حالىق پارتياسىنىڭ الماتى قالالىق فيليالىندا يدەولوگيا جانە ناسيحات جونىندەگى حاتشى قىزمەتتەرىن قوسا اتقاردى.
2016 -جىلدان 2017 -جىلعا دەيىن الماتى قالاسى اكىمدىگىنىڭ جاستار جوبالارى جانە ۇيىمداستىرۋ جۇمىستارى ءبولىمىنىڭ باسشىسى، جاستار ساياساتى ماسەلەلەرى باسقارماسىنىڭ باسشىسى لاۋازىمدارىندا ەڭبەك ەتتى.
2017 -جىلدان 2018 -جىلعا دەيىن اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە تاربيە جۇمىسى دەپارتامەنتىنىڭ ديرەكتورى بولىپ جۇمىس اتقاردى.
2019 -جىلى نۇر- سۇلتان قالاسى اكىمىنىڭ الەۋمەتتىك ماسەلەلەر جونىندەگى كەڭەسشىسى بولدى.
2020 -جىلى «Nur Otan» پارتياسى جانىنداعى «Jas Otan» جاستار قاناتىنىڭ ءتوراعاسى بولىپ سايلاندى.
وتباسىلى، ءتورت بالا تاربيەلەپ وتىر.