ق ر پرەمەر-ءمينيسترىنىڭ كەڭسەسى ۇكىمەت اپپاراتى بولىپ قايتا قۇرىلدى

قازاقپارات وقىرمان نازارىنا قۇجات ءماتىنىن ۇسىنادى.

***

قازاقستان رەسپۋبليكاسىنىڭ مەملەكەتتىك باسقارۋ جۇيەسىن ودان ءارى جەتىلدىرۋ جونىندەگى شارالار تۋرالى

2023 -جىلعى 2-قاڭتار

قازاقستان رەسپۋبليكاسى كونستيتۋتسياسىنىڭ 44-بابىنىڭ 3) تارماقشاسىنا سايكەس مەملەكەتتىك باسقارۋ جۇيەسىن جاڭعىرتۋ جانە ونىڭ تيىمدىلىگىن ارتتىرۋ ماقساتىندا قاۋلى ەتەمىن:

1. «قازاقستان رەسپۋبليكاسى پرەمەر- ءمينيسترىنىڭ كەڭسەسى» مەملەكەتتىك مەكەمەسى «قازاقستان رەسپۋبليكاسى ۇكىمەتىنىڭ اپپاراتى» مەملەكەتتىك مەكەمەسى (بۇدان ءارى - ۇكىمەت اپپاراتى) بولىپ قايتا قۇرىلسىن.

ۇكىمەت اپپاراتى:

1) ورتالىق جانە جەرگىلىكتى اتقارۋشى ورگانداردىڭ قىزمەتىن ۇيلەستىرۋدى؛

2) قازاقستان رەسپۋبليكاسىنىڭ پرەمەر-ءمينيسترى مەن ۇكىمەتىنىڭ قىزمەتىن ۇيىمداستىرۋشىلىق- قۇقىقتىق، ساراپتامالىق-تالدامالىق، كادرلىق، اقپاراتتىق جانە ماتەريالدىق-تەحنيكالىق جاعىنان قامتاماسىز ەتۋدى جۇزەگە اسىراتىن مەملەكەتتىك ورگان بولىپ تابىلادى دەپ بەلگىلەنسىن.

2. «قازاقستان رەسپۋبليكاسى ۇكىمەتىنىڭ قۇرىلىمى تۋرالى» قازاقستان رەسپۋبليكاسى پرەزيدەنتىنىڭ 1999 -جىلعى 22-قاڭتارداعى № 6-جارلىعىنا مىناداي وزگەرىس ەنگىزىلسىن:

1-تارماقتاعى «قازاقستان رەسپۋبليكاسى پرەمەر-ءمينيسترىنىڭ كەڭسەسى» دەگەن جول مىناداي رەداكسيادا جازىلسىن:

«قازاقستان رەسپۋبليكاسى ۇكىمەتىنىڭ اپپاراتى؛».

3. قازاقستان رەسپۋبليكاسىنىڭ ۇكىمەتى وسى جارلىقتى ىسكە اسىرۋ ماقساتىندا نورماتيۆتىك قۇقىقتىق اكتىلەرگە ءتيىستى وزگەرىستەر ەنگىزۋدى قامتاماسىز ەتسىن.

4. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

5. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ

پرەزيدەنتى ق. توقايەۆ

استانا، اقوردا، 2023 -جىلعى 2-قاڭتار

№ 79