«بيىل ءبىز كۇردەلى گەوساياسي جاعدايعا بايلانىستى ءبىرقاتار قيىندىققا تاپ بولدىق. بۇل باعانىڭ وسۋىنە، ينفلياتسياعا، ەكونوميكالىق دامۋدىڭ باسەڭدەۋىنە اكەلىپ سوقتى. 2023 -جىلى ءبىزدى جاڭا سىن- قاتەرلەر مەن تاۋەكەلدەر كۇتىپ تۇر. سوندىقتان، ءبىز پرەزيدەنتتىڭ سايلاۋالدى باعدارلاماسى مەن تاپسىرمالارىن ساپالى ىسكە اسىرۋ ءۇشىن بارىنشا كۇش سالۋىمىز كەرەك. سونداي- اق، ءبىز فورس- ماجور جاعدايلارعا بارىنشا تەز ارەكەت ەتۋىمىز قاجەت»، - دەدى ۇكىمەت باسشىسى.
ءاليحان سمايىلوۆتىڭ اتاپ وتۋىنشە، ءار مينيستر ءوز سالاسى بويىنشا تاپسىرمالاردىڭ 100 پايىز ورىندالۋىنا كەپىلدىك بەرۋى ءتيىس. ال، ءاربىر اكىم جەرگىلىكتى جەرلەردە الەۋمەتتىك- ەكونوميكالىق ماسەلەلەردىڭ ساپالى شەشىلۋىن قامتاماسىز ەتۋى كەرەك.
«مەن سيفرلىق جوبالىق وفيس اياسىندا بارلىق باعدارلامالاردىڭ، جوبالار مەن مەملەكەت باسشىسىنىڭ تاپسىرمالارىنىڭ ورىندالۋىن تۇراقتى تۇردە باقىلايتىن بولامىن. مەرزىمىندە ورىندالماسا نەمەسە ورىندالۋ ساپاسى ناشار بولسا، دەرەۋ كادرلىق شەشىمدەر قابىلدانادى»، - دەدى پرەمەر- مينيستر.
فوتو: primeminister.kz
اۆتور
مارلان جيەمباي
فوتو: akorda.kz