كەزدەسۋ بارىسىندا قازاقستاندا جولاۋشىلار ۆاگوندارىن جاساۋ جونىندەگى جوبانى جۇزەگە اسىرۋ ماسەلەلەرى تالقىلاندى.
مەملەكەت باسشىسىنا شۆەيتساريالىق Stadler Rail AG كومپانياسىنىڭ ۆاگون جاساۋ زاۋىتىن جاڭعىرتۋ، قازاقستان اليۋمينييىن پايدالانۋ جانە ءوندىرىستىڭ تولىق سيكلىن جولعا قويۋ جوسپارى تۋرالى مالىمەت بەرىلدى.
پەتەر شپۋلەر 2030 -جىلعا قاراي وندىرىسكە قاجەت بولشەكتەردى جەرگىلىكتى جەردە ءوندىرۋ دەڭگەيىن 35 پايىزعا دەيىن ارتتىرۋ، سونداي- اق قازاقستاندىق ونىممەن ەكسپورتقا شىعۋ جوسپارى تۋرالى ايتتى.
سونىمەن قاتار ولار وندىرىستىك ءبىلىم مەن ساراپشىلىق قۇزىرەتتەردى ۇيرەتۋ ماسەلەلەرىن قاراستىردى. كومپانيا قازاقستاندىق جاستارعا ارنالعان وقۋ ورتالىقتارىن ۇيىمداستىرۋدى، سونداي- اق وتاندىق كوللەدجدەرمەن جانە ۋنيۆەرسيتەتتەرمەن قارىم- قاتىناس ورناتۋدى جوسپارلاپ وتىر.
پرەزيدەنت بىرلەسكەن جوبانىڭ جۇزەگە اسىرىلۋى قازاقستان مەن شۆەيتساريا اراسىنداعى ساۋدا- ەكونوميكالىق ىنتىماقتاستىقتى نىعايتا تۇسەتىنىنە سەنىم ءبىلدىردى.