پرەزيدەنتكە استانا قالاسىنىڭ اكىمى جەڭىس قاسىمبەك ەلوردانىڭ الەۋمەتتىك-ەكونوميكالىق جانە ينفراقۇرىلىمدىق دامۋى تۋرالى ەسەپ بەردى.
مەملەكەت باسشىسىنا سورعى-سۇزگى ستانساسى (س س س-3)، گازبەن جىلىتۋ ستانسالارى، جىلۋ ەلەكتر ورتالىعى سەكىلدى قالانىڭ تىنىس-تىرشىلىگىن قامتاماسىز ەتەتىن نىسانداردىڭ قۇرىلىسى جونىندە باياندالدى.
اتالعان نىسانداردىڭ قۇرىلىسى 2023-جىلى اياقتالادى دەپ جوسپارلانىپ وتىر.
سونىمەن قاتار پرەزيدەنتكە ەلوردانى گازبەن قامتۋ ءىسىنىڭ بارىسى، ۇزاققا سوزىلعان قۇرىلىس جۇمىستارىنىڭ اياقتالۋى، الەۋمەتتىك نىسانداردىڭ قۇرىلىسى، تۇرعىن ءۇي الاپتارىن دامىتۋ، شاعىن جانە ورتا بيزنەستى قولداۋ، ينۆەستيتسيا تارتۋ بويىنشا اقپارات بەرىلدى.
قاسىم-جومارت توقايەۆ قالا اكىمىنە جىلۋ بەرۋ ماۋسىمىنىڭ بارىسىن باقىلاۋدا ۇستاۋعا، ەلوردانى ودان ءارى وركەندەتۋگە قاتىستى ءبىرقاتار تاپسىرما بەردى.
سونداي-اق پرەزيدەنت قاراعاندى وبلىسىنىڭ اكىمى ەرماعانبەت بولەكپايەۆتى قابىلدادى. ول مەملەكەت باسشىسىنا ايماقتىڭ بيىلعى 11 ايداعى نەگىزگى الەۋمەتتىك-ەكونوميكالىق كورسەتكىشتەرى جونىندە ەسەپ بەردى.
مەملەكەت باسشىسىنا ونەركاسىپ جانە اۋىل شارۋاشىلىعى ءوندىرىسىنىڭ قارقىنى تۋرالى باياندالدى.
وبلىس اكىمىنىڭ مالىمەتىنشە، ونەركاسىپتىڭ بارلىق سالاسىندا وڭ ءۇردىس بايقالادى. اتاپ ايتقاندا، بۇل سالا 6 پايىزعا وسكەن.
كەزدەسۋ بارىسىندا ايماقتىڭ تۇرعىن ءۇي- كوممۋنالدىق شارۋاشىلىعىنىڭ، ونىڭ ىشىندە جىلۋ جانە سۋمەن قامتاماسىز ەتۋ جۇيەسىنىڭ جاعدايىنا ايرىقشا نازار اۋدارىلدى.
قاسىم-جومارت توقايەۆ وبلىستى ودان ءارى دامىتۋ جانە حالىقتىڭ ءال-اۋقاتىن ارتتىرۋ جۇمىستارىن جالعاستىرۋدى تاپسىردى.