«كاسىپكەرلەرگە قارسى قوزعالعان ءاربىر التىنشى ءىس، بۇل 312 ءىستىڭ 59 ى دەگەن ءسوز، قىلمىستىق زاڭسىزدىقتىڭ بولماۋىنا بايلانىستى توقتاتىلدى. بيىلدان باستاپ ازاماتتىق ءتارتىپتى شاعىمدانۋدىڭ بۇكىل جولدارى تۇگەسىلگەنشە قىلمىستىق ءىس قوزعاۋعا تىيىم ەنگىزىلدى»، - دەدى قاسىم- جومارت توقايەۆ.
سونداي- اق، مەملەكەت باسشىسى كاسىپكەرلەردى قورعاۋدىڭ جۇيەلى تەتىكتەرى ەنگىزىلە بەرەتىنىن اتاپ ءوتتى.
«وتكەن جىلداردىڭ جاعىمدى قورىتىندىسىنا سۇيەنە وتىرىپ، مەن ميكرو جانە شاعىن بيزنەستى تەكسەرۋگە جاريالانعان موراتوريدى تاعى ءبىر جىلعا ۇزارتۋ تۋرالى شەشىم قابىلدادىم. ءتيىستى جارلىققا قول قويىلدى. ءبىز كاسىپكەرلەردى قورعاۋدىڭ جۇيەلى مەحانيزمدەرىن ەنگىزۋدى ءسوزسىز جالعاستىرامىز»، - دەدى پرەزيدەنت.
ايتا كەتەيىك، وسىناۋ سالتاناتتى شارا اياسىندا ۇزدىك دەپ تانىلعاندارعا «قازاقستاننىڭ ۇزدىك تاۋارى»، «Qazaqstan Project Management Awards -2022»، «ت م د بويىنشا ساپا سالاسىنداعى 2021 -جىلدىڭ سىيلىعى» سياقتى كاسىپكەرلىك باعىتتاعى ماراپاتتار دا تابىستالدى.
سونداي- اق، «ارۋانا» ، «بيزنەس كەمەلدىلىك»، «ىسكەر»، «ۇلى دالا ەلى» سىيلىقتارىنىڭ جەڭىمپازدارى دا ماراپاتتالدى.
بيىل «التىن ساپا» سىيلىعىنا 281 ۇمىتكەر ءوتىنىم تاپسىرعان. ساراپشىلار سونىڭ ىشىنەن ءىرى، ورتا جانە شاعىن بيزنەس بويىنشا 14 بيزنەس نىسانىن 4 اتالىم نەگىزىندە ىرىكتەپ الدى.