قۇجات بۇگىن مەملەكەت باسشىسى قاسىم-جومارت توقايەۆتىڭ ساۋد ارابياسىنا ساپارى اياسىندا راسىمدەلدى.
دجيددا قالاسىندا وتكەن مەموراندۋمعا قول قويۋ راسىمىنە «قازاقپارات» ح ا ا اتىنان «قازاقستان رەسپۋبليكاسى پرەزيدەنتىنىڭ تەلەراديوكەشەنى» ك ە ا ق- نىڭ باس ديرەكتورى راۋشان قاجىبايەۆا، Saudi Press Agency ساۋد ارابياسى اقپارات اگەنتتىگىنىڭ اتىنان وسى اگەنتتىكتىڭ پرەزيدەنتى فاحاد بين حاسان ال وگران قول قويدى.
مەموراندۋم اياسىندا اقپاراتتىق كونتەنت الماسۋ ارتادى، بۇل ەكى ەل اۋديتورياسىنا كۇندەلىكتى جاڭالىقتاردى ەلارالىق ماسشتابتا باقىلاپ وتىرۋعا مۇمكىندىك بەرەدى.
تاراپتار، سونداي-اق، كونتەنت جاساۋ جانە الماسۋ سالاسىندا دا ىنتىماقتاستىقتى ارتتىرۋعا نيەتتى.
راۋشان قاجىبايەۆانىڭ ايتۋىنشا، ەكى ەلدىڭ اقپارات اگەنتتىكتەرىنىڭ ارىپتەستىك ورناتۋى قازاقستان مەن ساۋد ارابياسى ب ا ق- تارى اراسىندا كاسىبي ديالوگ ورناتۋعا مۇمكىندىك بەرىپ قانا قويماي، قوس مەملەكەتتىڭ ىنتىماقتاستىعىن ارتىرۋعا دا سەپتىگىن تيگىزەدى.
«قازاقپارات» ح ا ا - عاسىردان استام تاريحى بار قازاقستان رەسپۋبليكاسىنىڭ ەڭ العاشقى اقپارات اگەنتتىگى.
2022-جىلدىڭ 1- ساۋىرىنەن باستاپ ول «قازاقستان رەسپۋبليكاسى پرەزيدەنتىنىڭ تەلەراديوكەشەنى» ك ە ا ق قۇرامىندا. ساۋد اقپارات اگەنتتىگى - ساۋد ارابياسى كورولدىگىنىڭ ءبىرىنشى مەملەكەتتىك اقپارات اگەنتتىگى، 1970-جىلى قۇرىلعان.
اگەنتتىك ساۋد ارابياسىنىڭ ب ا ق مينيسترلىگىنىڭ قۇرامىنا كىرەدى.