«تۋراسىن ايتايىن، بۇل ماسەلەگە قاتىستى ءتۇرلى پىكىر بار. قوعامىمىز اشىق، ازاماتتىق قوعامنىڭ تولىسقانى انىق بايقالادى. سوندىقتان، ءتۇرلى پىكىرلەر ايتىلادى. دەگەنمەن، كەلەسىن اتاپ وتكىم كەلەدى: قازىرگى زامانعى قۇقىق - بۇل ب ۇ ۇ جارعىسى. ءبىراق، ب ۇ ۇ- نىڭ ەكى ۇستانىمى ءبىر- بىرىنە قاراما- قايشى كەلەدى - بۇل مەملەكەتتىڭ تۇتاستىعى جانە ۇلتتىڭ ءوز تاڭداۋىن جاساۋعا قۇقىعى. ەگەر سولاي بولسا، بۇل ۇستانىمدار ءبىر- بىرىنە قاراما- قايشى، ءتۇرلى تۇسىندىرمە بار»، - دەپ اتاپ ءوتتى قازاقستان پرەزيدەنتى.
مەملەكەت باسشىسى ب ۇ ۇ- نىڭ نەگىزىن قالاۋشىلار وسى ماسەلەنى كەزىندە ەسكەرمەۋى، نە بولماسا ىمىرا رەتىندە ادەيى ەنگىزۋى مۇمكىن ەكەندىگىن اتاپ ءوتتى.
«ەكى ۇستانىم ءبىر- بىرىنە قاراما قايشى كەلەدى. ەگەر سولاي بولسا، بۇل ۇستانىمدار ءبىر- بىرىنە قاراما- قايشى، ءتۇرلى تۇسىندىرمەسى بار. بىرەۋلەر، «مەملەكەتتىڭ اۋماقتىق تۇتاستىعى - كيەلى» دەيدى. وزگەلەرى، بەلگىلى ءبىر مەملەكەتتىڭ قۇرامىنداعى كەز كەلگەن حالىق ءوزىنىڭ مەملەكەتى بولۋعا قۇقىلى جانە ءوز مەملەكەتىن قۇرا الادى ءارى قالاۋىمەن ودان بولەكتەنە الادى»، - دەدى قاسىم- جومارت توقايەۆ.
ق ر پرەزيدەنتىنىڭ اتاپ وتۋىنشە، ەگەر ۇلتتارعا تاڭداۋ قۇقىعى بەرىلسە، وندا جەر شارىندا 193 مەملەكەتتىڭ ورنىنا 500-600 مەملەكەت قۇرىلار ەدى.
«بۇل بەيبەرەكەتتىك تۋدىرادى. ءدال وسى سەبەپتى ءبىز تايۆاندى دا، كوسوۆانى دا، وڭتۇستىك وسەتيانى دا، ابحازيانى دا مويىندامايمىز. دەمەك، بۇل پرينتسيپ ءبىزدىڭ كوزقاراسىمىزشا كۆازيمەملەكەتتىك بىرلەستىك سانالاتىن لۋگانسك پەن دونەتسككە دە قولدانىلاتىن بولادى»، - دەدى مەملەكەت باسشىسى.
اۆتور: مارلان جيەمباي