«ەپيدەميولوگيالىق احۋال تۇراقسىز بولىپ قالۋدا. كۇن سايىن 30 عا دەيىن ءولىم-ءجىتىم تىركەلەدى. مۇنىڭ بارلىعى ۆاكسيناتسيا قارقىنىنىڭ تومەندەۋى اياسىندا ورىن الىپ جاتىر. 9 ايدا حالىقتى قامتۋ شامامەن 40 پايىز بولدى»، - دەدى قاسىم-جومارت توقايەۆ ەكىباستۇزدا ءوتىپ جاتقان مونوقالالاردى دامىتۋ ماسەلەلەرىنە ارنالعان جينالىستا.
اقوردانىڭ Twitter- دەگى مالىمەتىنە سايكەس، پرەزيدەنت ەلدەردىڭ باسىم بولىگى حالىقتى رەۆاكسينالاۋعا كوشكەنىن اتاپ ءوتتى.
«قارقىندى ناۋقاندى ناۋرىز ايىندا باستاعانىمىزدى ەسكەرەر بولساق، بىزگە دە رەۆاكسيناتسيا ۋاقىتى جەتتى. ۇكىمەت پەن اكىمدەر حالىقتى رەۆاكسيناتسيالاۋ ناۋقانىنا كىرىسۋى قاجەت»، - دەدى مەملەكەت باسشىسى.
اۆتور: مارلان جيەمباي