بۇل تۋرالى اۋىل شارۋاشىلىعى مينيسترلىگىنىڭ رەسمي سايتىندا جاريالاندى.
«اۋىل شارۋاشىلىعى ءمينيسترىنىڭ مىندەتىن اتقارۋشى ەربول قاراشوكەيەۆ «قازاقستان تەمىر جولى» ۇلتتىق كومپانياسىنىڭ باسشىسى نۇرلان ساۋرانبايەۆپەن تەلەفون ارقىلى سويلەستى. اڭگىمە بارىسىندا ەربول قاراشوكەيەۆ تۇركىستان وبلىسىنىڭ بەلسەندى تۇرعىندارى جيناعان جەم- ءشوپتى تەگىن ءارى جەدەل جەتكىزىپ بەرۋگە كومەكتەسۋىن سۇرادى. ۇلتتىق تاسىمالداۋشى كومپانيانىڭ باسشىسى بۇل ماسەلەنى ءوز باقىلاۋىنا الىپ، كومەك بەرەتىنىن ايتتى»، - دەپ جازىلعان رەسمي اقپاراتتا.
بۇعان دەيىن شىمكەنتتىك قۇرمەت تالاپقازىنىڭ ماڭعىستاۋداعى مالدى اۋىلدارعا ءشوپ جىبەرۋ تۋرالى باستاماسى ەل ىشىندە كەڭىنەن قولداۋ تاپقانىن جازعان بولاتىنبىز. ەرىكتىلەر جيناعان ءشوپتىڭ العاشقى 5 ۆاگونى حالىقتان جينالعان اقشانىڭ كۇشىمەن جەتكىزىلسە، تەمىرجول تاسىمالداۋشىلار تاعى 5 ۆاگون ءشوپتى تەگىن جەتكىزگەن بولاتىن. وسىلايشا بۇگىنگە دەيىن قۇرمەت تالاپقازى باستاعان ەرىكتىلەر جۇتاعان اۋىلدارعا تەڭدەي ءبولىپ بەردى.
اۆتور: ەسىمجان ناقتىباي