ونىڭ ايتۋىنشا، قولدانىستاعى زاڭناماعا سايكەس ەلىمىزدىڭ كەز كەلگەن ازاماتى قۇقىعى بۇزىلعان جاعدايدا ونى ءۇش ءتۇرلى ايادا قورعاي الادى: قىلمىستىق، اكىمشىلىك جانە ازاماتتىق.
باۋىرجان بايبەك ءوزىنىڭ جەكە ۇستانىمىنا سۇيەنىپ، جاۋاپكەرلەردى قىلمىستىق جانە اكىمشىلىك قۋدالاۋدان باس تارتىپ، ءىستى ازاماتتىق قاراۋمەن شەكتەلۋدى ءجون كورگەن.
وسىلايشا، ول جەكە تۇلعا رەتىندە تالاپ ارىزدى ءوزىن نەگىزسىز جانە جاريا تۇردە اۋىر قىلمىسپەن ايىپتاپ وتىرعان باسقا جەكە تۇلعالارعا قاتىستى بەرەدى.
«قۇرمەتتى دوستار! بۇگىن مەن باۋىرجان قىدىرعالي ۇلى بايبەكتىڭ مۇددەسىن ءبىلدىرۋشى زاڭگەر رەتىندە جانبولات ماماي مەن ونىڭ جۇبايى ينگا يمانبايەۆاعا قاتىستى الماتى قالاسى اۋەزوۆ اۋدانى 2№ اۋداندىق سوتىنا ازاماتتىق تارتىپپەن ار-نامىستى، ابىروي مەن ىسكەرلىك بەدەلدى قورعاۋ تۋرالى تالاپ ارىز بەردىم. بۇل تالاپ ارىزدى بەرۋگە ج. ماماي مەن ي. يمانبايەۆانىڭ بيىلعى 13- ساۋىردە «دەموكراتيالى قازاقستان/دەموكراتيچەسكيي كازاحستان» youtube-ارناسىندا جانە الەۋمەتتىك جەلىلەردە ورنالاستىرعان ءبىرقاتار بەينەماتەريالدارى نەگىز بولىپ وتىر.
جاريالانعان ماتەريالداردا جاۋاپكەرلەر «جۋرناليستىك زەرتتەۋدى» سەبەپ ەتىپ، ب. بايبەكتى سىبايلاس جەمقورلىقپەن جانە قىزمەت بابىن اسىرا پايدالاندى دەپ جاريا تۇردە، ءۇزىلدى-كەسىلدى جانە دالەلسىز ايىپتايدى.
اتالعان ماتەريالدارعا جاسالعان تالداۋ بەينەروليكتەردە جالعىز اقپارات كوزى - انونيمدىك «Uzyn Qulaq» تەلەگرام - ارناسىنىڭ اقپاراتىن عانا نەگىزگە العان. بۇل ارنا - وسەك-اياڭدى، دولباردى، تەكسەرىلمەگەن جانە شىندىققا جاناسپايتىن اقپاراتتى تاراتۋمەن اينالىساتىنى ءمالىم.
تالاپكەر (ب. بايبەك) اتىنا قاراتا ايتىلعان ايىپتاۋلاردىڭ بۇدان بولەك شىنايى دالەلدەمەلىك بازاسى مەن راستالعان دەرەگى ج. ماماي مەن ي. يمانبايەۆانىڭ بەينەماتەريالدارىندا دا، تىركەلمەگەن ق د پ سايتىندا دا ۇسىنىلماعان.
بيىل 19- ساۋىردە، ءبىر اپتاعا جەتپەيتىن ۋاقىتتا باۋىرجان بايبەك قاجەتتى رەسمي قۇجاتتار مەن باسقا دا ماتەريالداردى كورسەتە وتىرىپ، بارلىق ايىپتاۋلاردى جاريا تۇردە جوققا شىعاردى.
بۇل رەتتە، ج. ماماي مەن ي. يمانبايەۆانىڭ ايتقان سوزدەرىنىڭ جالعاندىعىن، جالاڭسوزدىلىگىن جانە ارسىزدىعىن ەسكەرە وتىرىپ، ب. بايبەك ءوزىنىڭ ار-نامىسىن، ابىرويى مەن بەدەلىن سوت ارقىلى قورعاۋ قۇقىعىن پايدالانۋ جونىندە شەشىم قابىلدادى.
سوندىقتان ازاماتتىق زاڭناما اياسىندا ءبىز بەينەماتەريالدار اۆتورلارى ايىپتاۋلارىنىڭ نەگىزسىزدىگى مەن ماعىناسىزدىعىن دالەلدەۋگە نيەتتەنىپ وتىرمىز. تالاپكەردىڭ ەل الدىندا جۇرگەن تۇلعا ەكەندىگىن، سوعان وراي بۇل جاعداي مەن الداعى پروتسەستىڭ ۇلكەن رەزونانس تۋدىراتىنىن ەسكەرىپ، سونداي-اق ج. مامايدىڭ ءار ءتۇرلى ءتاسىلدى قولدانۋ ارقىلى قوعامدىق پىكىردى بۇرمالاۋ ىقتيمالدىعىن بولدىرماۋ ءۇشىن، مەن جۇرتشىلىقتى سوت پروتسەسىنىڭ بارىسىمەن جەدەل جانە وبەكتيۆتى تۇردە حاباردار ەتىپ وتىراتىن بولامىن. مۇنى ەشقانداي ساياساتقا ارالاستىرماي، ىسكە قاتىسى جوق باعالاۋلارسىز تەك قۇقىقتىق ايادا اتقارامىن»، - دەپ جازدى زاڭگەر Facebook پاراقشاسىنا.
باۋىرجان بايبەك اقيقاتقا كوز جەتكىزۋ، ج. ماماي مەن ي. يمانبايەۆا تاراتقان مالىمەتتەردىڭ جالعاندىعىن دالەلدەۋ جانە ءوزىنىڭ بەدەلىن قالپىنا كەلتىرۋ ماقساتىن عانا باسشىلىققا الا وتىرىپ، كەلتىرىلگەن مورالدىق زالالعا ماتەريالدىق وتەماقى ءوندىرىپ الۋدان دا باس تارتتى.