«بارشاڭىزدى تاۋەلسىزدىك كۇنىمەن شىن جۇرەكتەن قۇتتىقتايمىن. بۇل كۇن - ەڭسەلى ەلدىك پەن اسقاق رۋحتىڭ مەرەكەسى. ەركىندىك پەن ەگەمەندىكتىڭ جارشىسى. سوندىقتان ونىڭ قازاقستان حالقى ءۇشىن ماڭىزى زور، مارتەبەسى بيىك. شىن مانىندە، ەگەمەندىك - ءبىزدىڭ ەڭ باستى قۇندىلىعىمىز. تاۋەلسىزدىكتىڭ ارقاسىندا ءتىلىمىز بەن ءدىلىمىزدى، تاريحىمىز بەن ءداستۇرىمىزدى، مادەنيەتىمىز بەن رۋحانياتىمىزدى جاڭعىرتتىق. ەلباسىنىڭ ستراتەگيالىق ساياساياتىنىڭ ناتيجەسىندە ەكونوميكامىزدى وركەندەتىپ، دۇنيە ءجۇزى مويىنداعان تۇعىرلى مەملەكەتكە اينالدىق»، - دەپ جازدى سەنات ءتوراعاسى.
سونىمەن قاتار ول بابادان ميراس بولعان ۇلان- عايىر جەرىمىز بەن تاۋەلسىز ەلىمىزدى قورعاپ، كەلەر ۇرپاققا امانات ەتىپ تاپسىرۋ - ءار قازاقستاندىقتىڭ وتان الدىنداعى قاسيەتتى بورىشى ەكەنىن باسا ايتادى.
«بۇگىندە مەملەكەت باسشىسىنىڭ باستاماسىمەن قولعا الىنىپ جاتقان ماڭىزدى رەفورمالاردىڭ بارلىعى وسىنداي ماقسات- مىندەتكە تابان تىرەيدى. ەكونوميكالىق ورلەۋ جانە الەۋمەتتىك دامۋ جولىنداعى يگىلىكتى ىستەردىڭ ءبارى تاۋەلسىزدىكتى نىعايتۋ ءۇشىن جاسالعان ناقتى قادام ەكەنى ءسوزسىز. قازىرگىدەي سىن- قاتەرلەر زامانىندا مەملەكەتتىلىكتى ساقتاۋدىڭ، ءبىرتۇتاستىقتى بەكەمدەۋدىڭ، ۇلتتىق تامىردان اجىراماۋدىڭ قانشالىقتى ماڭىزدى ەكەنىن ءبارىمىز كورىپ وتىرمىز. سوندىقتان تاۋەلسىزدىكتىڭ ءقادىر- قاسيەتىنە تەرەڭ ءمان بەرىپ، ونىڭ باياندى بولۋىنا ءبارىمىز اتسالىسۋىمىز قاجەت. الداعى ۋاقىتتا قازاقتىڭ ابىروي- بەدەلى بۇدان دا اسپانداپ، رۋحىمىز اسقاقتاي تۇسەرىنە ەشقانداي كۇمان جوق. وسى جولدا جۇدىرىقتاي جۇمىلىپ ەڭبەك ەتەيىك. تاۋەلسىزدىكتى ساقتاۋعا ءوز ۇلەسىمىزدى قوسايىق. بارشاڭىزدى ۇلتىمىزدىڭ ەڭ ۇلىق مەرەكەسىمەن قۇتتىقتاي وتىرىپ، ءار شاڭىراققا شاتتىق، ەلىمىزگە اماندىق، جەرىمىزگە تىنىشتىق تىلەيمىن! تاۋەلسىزدىگىمىز تۇعىرلى، ەلدىگىمىز ىرگەلى بولسىن! قازاق ەلى ماڭگىلىك جاساي بەرسىن!»، - دەدى ماۋلەن اشىمبايەۆ.