«ەرىكتىلەر ۇيىمدارىنا جۇيەلى قولداۋ كورسەتىپ، ولارعا ارنايى گرانتتار ءبولۋ جۇمىسىن جالعاستىرۋ قاجەت. بيىل اتقارىلعان يگىلىكتى ىستەر وسى جىلمەن عانا شەكتەلىپ قالماۋعا ءتيىس. جاقسى ءىس ءاردايىم جالعاسىن تابۋى كەرەك. وسى ورايدا ەرىكتىلىكتى دامىتۋدىڭ جول كارتاسىن ازىرلەۋ ماڭىزدى. سونداي- اق، ەرىكتىلەردى دايارلاۋعا ارنالعان باعدارلاما قاجەت. ەرىكتىلەر قىزمەتىن ۇيىمداستىرۋدىڭ باستى تالاپتارى مەن ۇستانىمدارىن ايقىنداپ العان ءجون. وسى ماقساتپەن ۆولونتەرلىك قىزمەتتى قولداۋدىڭ ءبىرىڭعاي ستاندارتىن جاساۋدى تاپسىرامىن»، - دەدى مەملەكەت باسشىسى ۆولونتەر جىلىنىڭ جابىلۋ راسىمىندە سويلەگەن سوزىندە.
ق ر پرەزيدەنتى ۆولونتەرلىك - جاي عانا الەۋمەتتىك قۇبىلىس ەمەس ەكەندىگىن باسا ايتتى. «ءتىپتى، ءبىر كۇندە قالىپتاساتىن ادەت نەمەسە داعدى دەۋگە دە بولمايدى. بۇل - كوپتەگەن ادامداردىڭ سانالى تۇردە تاڭداعان ءومىر سالتى. قايىرىمدىلىق - ادامنىڭ بالا كەزىنەن بويعا سىڭەتىن قاسيەت. سوندىقتان، وسكەلەڭ ۇرپاقتى جاستايىنان جاقسىلىق جاساۋعا تاربيەلەۋ - وتە ماڭىزدى مىندەت»، - دەدى قاسىم- جومارت توقايەۆ.
وسى رەتتە مەملەكەت باسشىسى بارلىق ءبىلىم مەكەمەلەرىندە تاقىرىپتىق ساباقتار مەن فاكۋلتاتيۆتىك ساعاتتار ەنگىزۋدى ۇسىندى.
«قوعامعا قىزمەت ەتۋدى زەردەسىنە تۇيگەن ۇل- قىزدارىمىز ناعىز ازامات بولارى انىق. دانا اباي ايتقان «ىستىق قايرات، نۇرلى اقىل، جىلى جۇرەك» ءدال قازىرگى كەزەڭدە اۋاداي قاجەت. بۇل اسىل قاسيەتتەر ۆولونتەر قاتارىنا قوسىلامىن دەگەن ءاربىر جاستىڭ بويىنان تابىلادى دەپ سەنەمىن»، - دەدى ق ر پرەزيدەنتى.
اۆتور: مارلان جيەمباي