«رەسمي مالىمەتتەر بويىنشا جىل باسىنان ازىق- تۇلىك توپتاماسى بويىنشا باعا 7 پايىزدان استام ءوستى. باعانىڭ نەگىزگى ءوسىمى توتەنشە جاعداي كەزەڭىندە تىركەلدى. وزدەرىڭىز بىلەسىزدەر، اتالعان كەزەڭدە شەكارالار جابىلىپ، تاۋار نارىقتارى شەكتەلدى. اسىرەسە، وسىنىڭ بارلىعى ازىق- تۇلىك توپتاماسىنا، الەۋمەتتىك ماڭىزداعى تاۋارلارعا اسەر ەتتى. بۇل ءوز كەزەگىندە الەۋمەتتىك ماڭىزدى تاۋارلارعا باعانىڭ وسىمىنە بايلانىستى تەرىس اسەر بەردى»، - دەدى ۇكىمەت باسشىسى دەپۋتاتتار سۇراعىنا جاۋاپ بەرە وتىرىپ.
ونىڭ ايتۋىنشا، الداعى ۋاقىتتا وسىنداي تەرىس ترەندتەرگە جول بەرمەس ءۇشىن ۇكىمەت ءبىرقاتار شارالاردى قابىلدادى.
«ينفراقۇرىلىمدى قولداۋدىڭ ماڭىزى بار. بىزدىڭشە، اتقارىلىپ جاتقان شارالار كەشەنى ءتيىستى وڭ ناتيجە بەرەدى. جالپى، ازىق-تۇلىك توپتاماسىنداعى 29 الەۋمەتتىك ماڭىزداعى تاۋارلار بويىنشا پوزيتسيانى قاراپ وتىرمىز. 12 سى بويىنشا قامتاماسىز ەتۋ دەڭگەيى 100 پايىز، ياعني بۇل ازىق- تۇلىك قاۋىپسىزدىگىنە قاتىستى. 11 تاۋارلىق توپ بويىنشا قامتاماسىز ەتۋ كورسەتكىشى 80 پايىز. قازىر 6 پوزيتسيا بويىنشا جۇمىس ىستەپ جاتىرمىز، بۇل باعىتتا قامتاماسىز ەتۋ كورسەتكىشى 60 شاماسىندا»، - دەپ ءتۇسىندىردى ا. مامين.
وسى ورايدا ول يمپورتتى الماستىراۋ ماسەلەسىن شەشۋ ءۇشىن ءتيىستى قۇجات دايىندالعانىن، الداعى ءۇش جىلدا اتالعان 6 تاۋارلىق توپ بويىنشا يمپورتقا تاۋەلدىلىكتى تولىقتاي جويۋ ەسكەرىلگەنىن جەتكىزدى.
«ول ءۇشىن ءبىرقاتار ينۆەستيتسيالىق جوبانى جۇزەگە اسىرۋ كەرەك. باعالاۋ بويىنشا 750 ميلليارد تەڭگە سوماسىنداعى 200 دەن استام جوبانى قامتۋ قاجەت. سوندىقتان الداعى ءۇش جىلدا تولىقتاي يمپورتقا تاۋەلدىلىكتى جويۋ ماقساتىن بەلگىلەدىك»، - دەدى پرەمەر-مينيستر.