قۇجاتقا سايكەس ەكىنشى توقساننان باستاپ جالپى ءبىلىم بەرەتىن مەكتەپتەردە 5-سىنىپ، ال حالىقارالىق مەكتەپتەردە 7-سىنىپقا دەيىنگى وقۋشىلار ءۇشىن وفلاين رەجيمدە وقيتىن بولادى، دەپ حابارلايدى قازاقپارات ءتىلشىسى.
نۇر-سۇلتان قالاسىنىڭ باس مەملەكەتتىك سانيتاريالىق دارىگەرى ج. پراليەۆانىڭ قاۋلىسى 3-تارماعىنىڭ 3.11-تارماقشاسىنا وزگەرىستەر ەنگىزىلگەن.
ناقتىراق ايتقاندا تارماقشا مىناداي رەداكسيادا جازىلعان: «1-5-سىنىپ وقۋشىلارى ءۇشىن جالپى ءبىلىم بەرەتىن مەكتەپتەردىڭ كەزەكشى سىنىپتارىنان جانە 1-7-سىنىپتان باستاپ حالىقارالىق مەكتەپتەردەن باسقا، سىنىپتا 15 بالاعا دەيىن جيناقتاۋ كەزىندە جۇمىسىنا جول بەرىلەتىن ءبىلىم بەرۋ وبەكتىلەرىنىڭ جۇمىسىن ونلاين- وقىتۋ رەجيمىندە ۇيىمداستىرىلسىن. وففلاين-رەجيمدە وقيتىن وقۋشىلار اراسىندا كوروناۆيرۋس ينفەكسياسىنىڭ ءبىر جاعدايى تىركەلسە اتا-انالاردىڭ ءوتىنىشى بويىنشا بارلىق سىنىپتاردى ونلاين-وقىتۋعا كوشۋگە قاتاڭ تۇردە جول بەرىلەدى»، - دەلىنگەن قاۋلىدا.
نۇر-سۇلتان قالاسىنىڭ ىشكى ساياسات باسقارماسى ب ا ق پەن الەۋمەتتىك جەلى ارقىلى قابىلدانعىن شەشىمدەردىڭ ماڭىزدىلىعى مەن ومىرلىك قاجەتتىلىگىن تۇسىندىرۋگە مىندەتتەلدى. قاۋلى 2020 -جىلدىڭ 14-قاراشاسىنان باستاپ كۇشىنە ەنەدى.