بۇل اقپاراتتى كومپانيانىڭ باسپا ءسوز قىزمەتى راستادى، دەپ حابارلايدى قازاقپارات ءتىلشىسى. قازاقستاندا اپتا ىشىندە بولعان كادرلىق تاعايىنداۋلار ادىلبەك جاقسىبەكوۆ 1954 -جىلى 26-شىلدەدە قوستاناي وبلىسى قارابالىق اۋدانى ءبۇرلى اۋىلىندا دۇنيەگە كەلگەن. 1978 -جىلى بۇكىلوداقتىق كينەماتوگرافيا (ماسكەۋ) مەملەكەتتىك ۋنيۆەرسيتەتىن ءتامامداعان. 1987 -جىلى پلەحانوۆ اتىنداعى حالىق شارۋاشىلىعى ينستيتۋتىندا «ماتەريالدىق- تەحنيكالىق جابدىقتاۋدى ۇيىمداستىرۋشى» ماماندىعى بويىنشا قايتا دايارلىقتان وتكەن. ەكونوميكا عىلىمدارىنىڭ كانديداتى.
ادىلبەك جاقسىبەكوۆ استانانىڭ العاشقى اكىمى. ءار جىلدارى پرەزيدەنتتىڭ كومەكشىسى، يندۋستريا جانە ساۋدا ءمينيسترى، قورعانىس ءمينيسترى قىزمەتتەرىن اتقارىپ، پرەزيدەنت اكىمشىلىگىن باسقارعان. «قازترانسگاز» اكسيونەرلىك قوعامى ەلىمىزدىڭ جانە دۇنيەجۇزىنىڭ گاز نارىعىندا مەملەكەتتىڭ مۇددەسىن بىلدىرەتىن ەلدەگى گازبەن جابدىقتاۋ سالاسىنداعى ءىرى كومپانيا. «قازترانسگاز» ا ق تابيعي گازدى ماگيسترالدىق گاز قۇبىرلارى بويىنشا تاسىمالداۋدى باسقارادى، ىشكى جانە سىرتقى نارىققا گاز وندىرۋمەن، ساتۋمەن اينالىسادى.
قۇبىر جولدارى مەن گاز ساقتاۋ قويمالارىن ازىرلەيدى، قارجىلاندىرىپ، پايدالانادى. قازترانسگاز - تۇتىنۋشىلارعا سەنىمدى گاز جەتكىزىپ وتىرعان ورتالىق ازيا وڭىرىندەگى ءىرى گاز تاسىمالداۋ جەلىسى جانە ىشكى گاز جابدىقتاۋ جۇيەسى بار ىرگەلى كومپانيا.