«ءى ءى م كوللەگياسىنىڭ وتىرىسىندا مەملەكەت باسشىسى ەسىرتكى ساۋداسىنا قارسى كۇرەستى كۇشەيتۋ مىندەتىن قويعان بولاتىن. اسىرەسە بۇل رەتتە ەسىرتكىنى جارنامالاۋ فاكتىلەرىنە ەرەكشە نازار اۋدارىلعان. بۇل باعىتتاعى جۇمىس جالعاسىپ كەلە جاتقانىن اتاپ وتكىم كەلەدى. زاڭنامالىق بازا قايتا قارالىپ، جاڭا پسيحيكالىق بەلسەندى زاتتاردىڭ ەسەپكە تىركەۋ ءتارتىبى جەڭىلدەتىلدى. ەسىرتكى ساۋداسىنىڭ قازىرگى تەگەۋرىنىنە جاۋاپ بەرەتىن قىلمىستىق ىستەردىڭ جاڭا قۇرامى ەنگىزىلدى. بۇل رەتتە ەڭ الدىمەن ينتەرنەت ارقىلى ونى وتكىزۋ قىلمىسىنا باسا نازار اۋدارىلىپ وتىر. بۇدان بىلاي بۇل قىلمىستار اۋىر جانە اسا اۋىر قىلمىستاردىڭ قاتارىنا جاتادى. ونى جاساعان ادام ۇزاق مەرزىمگە باس بوستاندىعىنان، ءتىپتى ءومىر بويى باس بوستاندىعىنان ايىرىلادى»، - دەدى تىلەگەن ماتكەنوۆ ءى ءى م- ءنىڭ ونلاين باسپا ءسوز ءماسليحاتىندا.
ونىڭ ايتۋىنشا ەسىرتكىنى جارنامالاۋ بويىنشا 64 قىلمىستىڭ بەتى اشىلعان. سونداي- اق ونىڭ ىشىندە ينتەرنەت ارقىلى ەسىرتكى وتكىزۋدىڭ 39 جاعدايى انىقتالعان. بۇل فاكتتار بويىنشا 41 قىلمىستىق ءىس سوتقا جولدانعان.
«بۇگىنگى تاڭدا جوعارعى سوتپەن بىرلەسە وتىرىپ، ءبىز ءنورماتيۆتى قاۋلى جوباسىن ازىرلەپ جاتىرمىز. ول قىلمىستىق ىستەردى تەرگەۋدە ءبىرىڭعاي امالدى قولدانۋ بوينىشا قۇقىقتىق پراكتيكانى تۇسىندىرۋگە مۇمكىندىك بەرەدى. وسى جۇمىستاردىڭ اياسىندا جىل سوڭىنا دەيىن پسيحيكالىق بەلسەندى زاتتار مەن پرەكۋرسورلاردىڭ تاعى جاڭا 32 ءتۇرىن مەملەكەتتىك باقىلاۋعا ەنگىزۋ بويىنشا ۇكىمەت قاۋلىسى قابىلدانادى. سونىمەن قاتار وسى ايدا بەلگىسىز قولدانۋشىلاردىڭ پايداسىنا اقشا اۋدارماسىن جۇرگىزۋگە تىيىم سالۋعا تۋرالى ۇلتتىق بانكپەن بىرگە بىرلەسكەن نورمالار كۇشىنە ەنەدى»، - دەدى ول.