پرەزيدەنت قاراعاندى وبلىسىنىڭ اكىمىن قابىلدادى
قاسىم- جومارت توقايەۆ جىل باسىنان بەرگى ايماقتىڭ الەۋمەتتىك- ەكونوميكالىق دامۋىنىڭ نەگىزگى كورسەتكىشتەرى تۋرالى جەڭىس قاسىمبەكتىڭ ەسەبىن تىڭدادى.
مەملەكەت باسشىسىنا قايتا وڭدەۋ جانە تاۋ- كەن ونەركاسىبى، اۋىلشارۋاشىلىعى وندىرىسىندەگى وڭ وزگەرىس، استىق جيناۋ ناۋقانى تۋرالى مالىمەت بەرىلدى. سونىمەن قاتار قاسىم- جومارت توقايەۆقا جىلىتۋ ماۋسىمىنا دايىندىق جانە جۇمىسپەن قامتۋدىڭ جول كارتاسىن جۇزەگە اسىرۋ بارىسى، تۇرعىن ءۇي جانە ينفراقۇرىلىمدىق قۇرىلىس تۋرالى اقپارات بەرىلدى. پرەزيدەنتكە وبلىستاعى كوروناۆيرۋس ىندەتىنىڭ الدىن الۋ جانە وعان قارسى ءىس- قيمىل شارالارى، پاندەميانىڭ بولۋى ىقتيمال ەكىنشى تولقىنىنا دايىندىق جاعدايى دا ايتىلدى.
جەڭىس قاسىمبەك مەديتسينالىق ينفراقۇرىلىمدار مەن دارىگەرلەردى دايارلاۋ جۇمىستارى تۋرالى ايتىپ بەردى. كەزدەسۋ سوڭىندا قاسىم- جومارت توقايەۆ جۇمىسپەن قامتۋدىڭ جول كارتاسى بويىنشا جاڭا جۇمىس ورىندارىن اشۋ، وڭىرگە ينۆەستيتسيا تارتۋ جانە باسقا دا ايماقتى دامىتۋعا قاتىستى ءبىرقاتار تاپسىرما بەردى.