«استانا» حالىقارالىق قارجى ورتالىعىنىڭ باسقارۋشىسى قايرات نەمات ۇلى كەلىمبەتوۆ قازاقستان رەسپۋبليكاسىنىڭ ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى بولىپ تاعايىندالسىن» دەلىنگەن پرەزيدەنت جارلىعىندا.
ەسكە سالا كەتەيىك، بۇعان دەيىن مەملەكەت باسشىسى قاسىم- جومارت توقايەۆ قازاقستان حالقىنا جولداۋىندا بيىل ستراتەگيالىق جوسپارلاۋ جانە رەفورمالار جونىندەگى اگەنتتىك قۇرىلاتىنىن ءمالىم ەتكەن بولاتىن. 9- قىركۇيەكتە مەملەكەت باسشىسىنىڭ جارلىعىمەن قازاقستاندا ستراتەگيالىق جوسپارلاۋ جانە رەفورمالار اگەنتتىگى، سونداي- اق باسەكەلەستىكتى قورعاۋ جانە دامىتۋ اگەنتتىگى قۇرىلدى.
قايرات كەلىمبەتوۆ 1969 -جىلى 28 - قاڭتاردا الماتى قالاسىندا دۇنيەگە كەلگەن. م. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن، قازاق مەملەكەتتىك باسقارۋ اكادەمياسى جانىنداعى نارىق ينستيتۋتىن، دجوردجتاۋن ۋنيۆەرسيتەتىنىڭ (ا ق ش، ۆاشينگتون) ارناۋلى باعدارلاماسىن بىتىرگەن.
1996-1997 -جىلدارى - قازاقستان رەسپۋبليكاسى پرەزيدەنتى جانىنداعى جوعارى ەكونوميكالىق كەڭەس حاتشىلىعىنىڭ اعا ساراپشىسى، قازاقستان رەسپۋبليكاسى ستراتەگيالىق جوسپارلاۋ اگەنتتىگىنىڭ دەپارتامەنت ديرەكتورىنىڭ ورىنباسارى، ديرەكتورى.
1997-1998 -جىلدارى - قازاقستان رەسپۋبليكاسى ستراتەگيالىق جوسپارلاۋ جانە رەفورما اگەنتتىگىنىڭ دەپارتامەنت ديرەكتورىنىڭ ورىنباسارى.
1998-1999 -جىلدارى - قازاقستان رەسپۋبليكاسى پرەزيدەنتى اكىمشىلىگىنىڭ ءبولىم مەڭگەرۋشىسى.
1999-2001 -جىلدارى - قازاقستان رەسپۋبليكاسى ستراتەگيالىق جوسپارلاۋ اگەنتتىگىنىڭ ءتوراعاسى، قازاقستان رەسپۋبليكاسىنىڭ ءبىرىنشى قارجى ۆيتسە- ءمينيسترى.
2001-2002 -جىلدارى - قازاقستان رەسپۋبليكاسىنىڭ ءبىرىنشى قارجى ۆيتسە- ءمينيسترى.
2002-2006 -جىلدارى - قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ ءمينيسترى.
2006-2008 -جىلدارى - «قازىنا» ورنىقتى دامۋ قورى» اكسيونەرلىك قوعامىنىڭ باسقارما ءتوراعاسى.
2008 -جىلى قاڭتاردىڭ 23-ىندە مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتى اكىمشىلىگىنىڭ باسشىسى بولىپ تاعايىندالدى. 2008 -جىلعى قازاننىڭ 13-ىنەن - «سامۇرىق- قازىنا» ۇلتتىق ءال- اۋقات قورى» ا ق باسقارما ءتوراعاسى. 2011 -جىلعى ساۋىردەن – ق ر ەكونوميكا جانە ساۋدا ءمينيسترى. 2012 -جىلعى 20 - قاڭتاردا مەملەكەت باسشىسىنىڭ جارلىعىمەن ق ر پرەمەر- ءمينيسترىنىڭ ورىنباسارى قىزمەتىنە تاعايىندالدى. 2013 -جىلدىڭ قازانىنان ق ر ۇلتتىق بانكىنىڭ ءتوراعاسى قىزمەتىن اتقاردى. 2015 -جىلعى جەلتوقسان ايىنان «استانا» حالىقارالىق قارجى ورتالىعىنىڭ باسقارۋشىسى بولىپ قىزمەت ەتىپ كەلەدى. «قۇرمەت» وردەنىمەن (2005)، «پاراسات» مەدالىمەن (2010) ماراپاتتالعان.