بۇگىن ەلوردادا وتباسى كۇنى اياسىندا وتكەن دوڭگەلەك ۇستەل وتىرىسىندا اقپارات جانە قوعامدىق دامۋ ءمينيسترى ايدا بالايەۆا وسىلاي دەدى، دەپ حابارلايدى قازاقپارات ءتىلشىسى.
«ءبىز ءۇش باعىت بويىنشا جۇمىس توپتارىن قۇردىق. جۇمىس توپتارى وتباسى ينستيتۋتىن نىعايتۋ، بالالاردى قولداۋ مەن گەندەرلىك تەڭدىكتى ىلگەرىلەتۋ باعىتىندا ناقتى ۇستانىمداردى ازىرلەيتىن بولادى. مينيسترلىكتىڭ جانىندا وتباسى ينستيتۋتىن زەرتتەۋ ورتالىعى جۇمىس ىستەيدى. ورتالىقتىڭ باستى ماقساتى - وتباسى جانە كوپبالالى وتباسىلاردى قولداۋ، دەموكراتيالىق ساياسات ماسەلەلەرى بويىنشا ناقتى زەرتتەۋلەردى جۇرگىزۋ. «رۋحاني جاڭعىرۋ» باعدارلاماسى اياسىندا دا ءبىرقاتار شارۋا جۇزەگە اسىرىلىپ وتىر. سولاردىڭ ىشىندە اسىرەسە، ءداستۇر مەن عۇرىپ، ۇلتتىق تاربيە باعىتىنداعى جوبالاردى ەرەكشە اتاپ ايتقىم كەلەدى»، - دەدى ايدا بالايەۆا «وتباسى كۇنى» اياسىندا ۇلتتىق تاربيە بەرۋ مەن وتباسى قۇندىلىقتارىن دامىتۋ ماسەلەلەرى تالقىلانعان شارادا.
ءمينيستردىڭ ايتۋىنشا، بۇلاردىڭ بارلىعى وتباسىلىق تاربيە، جالپى حالىقتىق رۋحاني قۇندىلىقتاردى، ۇلتتىق سالت- ءداستۇردى ناسيحاتتاپ، ۇلتارالىق قارىم- قاتىناس پەن تولەرانتتىقتى نىعايتۋعا باعىتتالعان.
«پرەزيدەنت قازاقستان حالقىنا جولداۋىندا «جاۋاپتى مەملەكەت، جاۋاپتى قوعام، جاۋاپتى ادام» جۇيەسىن ورناتۋ تۋرالى ايتتى. بۇل مىندەتتىڭ تۇبىندە قوعامدىق تاربيە ۇعىمى جاتىر. ال تاربيەنىڭ باستاۋ بۇلاعى، قاينار كوزى - وتباسىندا. سوندىقتان وتباسىلىق قۇندىلىقتىڭ جاڭا زامانعا ساي ۇلگىسىن جاساۋ - ءبىزدىڭ بۇگىنگى باستى ماقساتىمىز. بۇل ورايدا قوعامدىق تالقىلاۋدىڭ، حالىق پىكىرىنىڭ ماڭىزى قاشان دا زور»، - دەگەن مينيستر «دوڭگەلەك ۇستەلگە« قاتىسۋشىلاردان ناقتى ۇسىنىستاردى كۇتەتىنىن جەتكىزدى.
اۆتور: ايان بەكەن ۇلى