مەملەكەت باسشىسى قازان ايىندا جۇمىس ساپارىمەن شىعىس قازاقستانعا بارادى

نۇر- سۇلتان. قازاقپارات - قاسىم جومارت توقايەۆ قازان ايىندا جۇمىس ساپارىمەن شىعىس قازاقستان وبلىسىنا بارادى.

بۇل تۋرالى ق ر پرەزيدەنتى Twitter- دە جازدى دەپ حابارلايدى قازاقپارات.

«كەشە ش ق و اكىمى د. احمەتوۆ ابايدىڭ 175 جىلدىعى اياسىندا اتقارىلعان جۇمىستار جايىندا باياندادى. سەمەيدەگى ابايدىڭ مۇراجاي كەشەنى، اقىننىڭ تۋعان جانە ءومىر سۇرگەن جەرىندەگى نىسانداردىڭ بارلىعى تولىقتاي جاڭعىرتىلدى. وبلىسقا قازان ايىندا جۇمىس ساپارىمەن بارىپ، نىسانداردى ارالاپ كورەمىن»، دەپ اتاپ وتكەن مەملەكەت باسشىسى.

ەسكە سالا كەتسەك ، 4 - قىركۇيەكتە قاسىم- جومارت توقايەۆ شىعىس قازاقستان وبلىسىنىڭ اكىمى دانيال احمەتوۆتى قابىلداعان بولاتىن. وندا ءوڭىر باسشىسى ق ر پرەزيدەنتىنە شىعىس قازاقستان وبلىسىنىڭ ەكونوميكالىق احۋالى جايىندا ەسەپ بەرىپ، ايماقتىڭ قىسقا مەرزىمدى جانە كەلەر جىلعا ارنالعان دامۋ جوسپارى، ونىڭ ىشىندە، ونەركاسىپ ونىمدەرى، اۋىل شارۋاشىلىعى، ءوندىرىس سالالارى بويىنشا اتقارىلاتىن جۇمىستار جونىندە باياندادى.