بۇل تۋرالى بۇگىن ۇكىمەت وتىرىسىندا ق ر پرەمەر-ءمينيسترى اسقار مامين ايتتى، دەپ حابارلايدى قازاقپارات ءتىلشىسى.
«اكىمدىكتەر الەۋمەتتىك ماڭىزى بار تاۋارلاردىڭ باعالارىن تۇراقتاندىرۋ ماقساتىندا تاۋارلار ينتەرۆەنتسياسىن جۇرگىزۋ ءۇشىن تۇراقتاندىرۋشى قورلاردىڭ ءتيىمدى جۇمىسىن قامتاماسىز ەتسىن. يندۋستريا جانە ينفراقۇرىلىمدىق دامۋ مينيسترلىگى مۇددەلى مەملەكەتتىك ورگاندارمەن جانە «اتامەكەن» ۇ ك پ- مەن بىرلەسىپ، وتاندىق تاۋار وندىرۋشىلەردىڭ ۇلەسىن ارتتىرۋ بويىنشا جۇمىستى كۇشەيتۋى قاجەت»، - دەدى ۇكىمەت باسشىسى.
پرەمەر-مينيستر وتاندىق كاسىپورىندار تاۋارلارى مەن قىزمەتتەرىنە سۇرانىستى ىنتالاندىرۋ بويىنشا قولدا بار ريەۆەرۆتەردىڭ ءبارىن ىسكە قوسۋ كەرەكتىگىن قاتاڭ ەسكەرتتى.