پرەزيدەنت قارۋلى كۇشتەر باس بارلاۋ باسقارماسىنىڭ شتاب- پاتەرىنە باردى
18:53, 18 - اقپان 2020
نۇر- سۇلتان. قازاقپارات - قازاقستان پرەزيدەنتى قارۋلى كۇشتەردىڭ باس بارلاۋ باسقارماسىنىڭ شتاب- پاتەرىنە باردى، دەپ حابارلايدى اقوردا.
قاسىم- جومارت توقايەۆقا الەمنىڭ تىنىشسىز ايماقتارىنداعى قاۋىپ- قاتەرلەر جايىندا باياندالدى. سونىمەن قاتار پرەزيدەنت باس بارلاۋ باسقارماسى بولىمدەرىنىڭ زاماناۋي ۇلگىدەگى اسكەري قۇرال- جابدىقتارىمەن جانە تەحنيكالارىمەن تانىستى.
مەملەكەت باسشىسى قازاقستاننىڭ اسكەري بارلاۋ جۇمىسىنا وڭ باعا بەرىپ، حالىقارالىق احۋال شيەلەنىسكەن جاعدايدا ونىڭ ەل قاۋىپسىزدىگىن قامتاماسىز ەتۋ باعىتىنداعى ءرولى ارتا تۇسەتىنىن ايتتى.
جوعارعى باس قولباسشى قورعانىس مينيسترلىگى باس بارلاۋ باسقارماسىنا اسكەري بارلاۋ جۇيەسىن ودان ءارى جەتىلدىرۋ جانە دامىتۋ جۇمىستارىن جالعاستىرا بەرۋدى تاپسىرىپ، اتالعان بولىمدەگى اسكەري قىزمەتشىلەردىڭ ەڭبەگىنە تابىس تىلەدى.