كەزدەسۋ بارىسىندا نۇرسۇلتان نازاربايەۆقا پارلامەنت ماجىلىسىندەگى «نۇر وتان» پارتياسى فراكسياسىنىڭ قازىرگى قىزمەتى مەن جۇمىس جوسپارلارى تۋرالى اقپارات بەرىلدى.
«قازىرگى تاڭدا ءماجىلىستىڭ قاراۋىندا 45 زاڭ جوباسى بار. بارلىق 3 فراكسيا جۇمىسىنا كىرىستى. ءبىزدىڭ فراكسيانىڭ الدىنا ءسىزدىڭ تاپسىرمالارىڭىزدىڭ، سايلاۋالدى ۋادەلەردىڭ ورىندالۋى مەن «100 ناقتى قادام» ۇلت جوسپارىنىڭ جۇزەگە اسۋىن ساپالى باقىلاۋ مىندەتتەرى قويىلدى» ، - دەدى نۇرلان نىعماتۋلين.
سونىمەن قاتار، ەلباسىنا ەۋروپا مەن ازيا ەلدەرى پارلامەنتتەرى سپيكەرلەرىنىڭ كەڭەسىنە دايىندىق بارىسى تۋرالى مالىمەت بەرىلدى.
«24 - قىركۇيەكتە وتەتىن سپيكەرلەر وتىرىسىنا الەمنىڭ 65 ەلىنەن كەلگەن دەلەگات قاتىسادى. ەلىمىزدە مۇنداي جوعارى دەڭگەيدەگى پارلامەنتتىك ءىس- شارا سوڭعى 20 جىلدا العاش رەت وتكىزىلىپ وتىر. ەۋروپا جانە ازيا ەلدەرى پارلامەنتتەرى سپيكەرلەرىنىڭ بيىلعى كەزدەسۋى ءسىزدىڭ ەۋرازيالىق ينتەگراتسيا تۋرالى يدەياڭىزدىڭ 25 جىلدىعىنا ارنالعان» ، - دەدى پارلامەنت ءماجىلىس ءتوراعاسى.