قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ بۇيرىعىمەن ەربول جولداسپەك ۇلى نۇرعاليەۆ ق ر ە ح ا ق م ەڭبەك، الەۋمەتتىك قورعاۋ جانە كوشى- قون كوميتەتىنىڭ ءتوراعاسى قىزمەتىنە تاعايىندالدى.
ەربول نۇرعاليەۆ 1975 -جىلى 10 - اقپاندا شىعىس قازاقستان وبلىسى جارما اۋدانى ميحايلوۆكا اۋىلىندا دۇنيەگە كەلگەن. 2000 -جىلى شاكارىم اتىنداعى سەمەي مەملەكەتتىك ۋنيۆەرسيتەتىن، 2010 -جىلى قازاق يننوۆاتسيالىق گۋمانيتارلىق- زاڭگەرلىك ۋنيۆەرسيتەتىن، 2018 -جىلى ق. جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىن بىتىرگەن.
ەڭبەك جولىن 1994 -جىلى سەمەي وبلىسىنىڭ جارما اۋدانىندا چاپايەۆ اتىنداعى ورتا مەكتەپتە مۇعالىم بولىپ باستادى.
2002 -جىلى ش ق و جارما اۋدانى اكىمى اپپاراتىنىڭ ىشكى ساياسات جانە الەۋمەتتىك سالا ءبولىمىنىڭ مەڭگەرۋشىسى لاۋازىمىندا بولدى.
2011 -جىلعى ساۋىردە شىعىس قازاقستان وبلىسى ىشكى ساياسات باسقارماسىنىڭ باستىعى بولىپ تاعايىندالدى.
2015 -جىلى جەلتوقساندا اقتوبە وبلىسى ىشكى ساياسات باسقارماسىنىڭ باستىعى بولىپ ەڭبەك ەتتى. 2017 -جىلى اقتوبە وبلىسى اكىمىنىڭ ورىنباسارى قىزمەتىنە تاعايىندالدى.
2018 -جىلدىڭ قاراشا ايىنان قازىرگە دەيىن ق ر پرەزيدەنتى اكىمشىلىگىنىڭ ىشكى ساياسات ءبولىمىنىڭ سەكتور مەڭگەرۋشىسى قىزمەتىن اتقاردى.