«ەلىمىزدىڭ قىلمىستىق زاڭناماسىنا سايكەس، اۋىرلىق تۋدىراتىن جاعدايدا جاسالعان بۇزاقىلىق ءۇشىن 14 جاسقا تولعان تۇلعا قىلمىستىق جاۋاپكەرشىلىككە (ق ر ق ك- ءنىڭ 293-بابى 2-جانە 3-تارماعى) تارتىلادى. جاس وسپىرىمدەر توپتاسىپ وزدەرىنىڭ قۇرداستارىنا قاتىستى قۇقىققا قايشى ارەكەت جاساعان كەزدە ءدال وسى باپ بويىنشا قىلمىستىق ءوندىرىس اشىلادى. وسىعان بايلانىستى اتا-انالاردى، وقۋ ورىندارىنىڭ ۇستازدارىن جاس وسپىرىمدەر اراسىنداعى قىلمىستىڭ الدىن الۋ ماقساتىندا بالالارعا قىلمىستىق جاۋاپكەرشىلىككە تارتىلاتىن جاسقا جەتكەندىگى تۋرالى الدىن الا ەسكەرتىپ، ويلانباي ىستەلگەن ارەكەتتىڭ سوڭى نەگە اكەپ سوعاتىن ايتۋعا شاقىرامىز»، - دەدى ق ر ءى ءى م ىشكى جانە سىرتقى كوممۋنيكاتسيالار دەپارتامەنتىنىڭ ديرەكتورى الماس سادۋبايەۆ.
ونىڭ اتاپ وتۋىنشە، مەكتەپ جىلدارىندا اڭداماي جاسالعان ارەكەتتىڭ سوڭى جاس ءوسپىرىمنىڭ بۇكىل ومىرىنە تاڭبا ءتۇسىرۋى مۇمكىن.
«ىشكى ىستەر مينيسترلىگى تۇركىستان، قىزىلوردا، قاراعاندى جانە اقتوبە وبلىستارىندا ورىن العان جاعدايلاردى تالقىلاۋ جانە ۇيىمداستىرۋ-تاجىريبەلىك شارالاردى ازىرلەۋ ءۇشىن ءبىلىم جانە عىلىم مينيسترلىگىنە ق ر ۇكىمەتى جانىنداعى جاس وسپىرىمدەر ءىسى جانە ولاردىڭ قۇقىقتارىن قورعاۋ جونىندەگى ۆەدومستۆوارالىق كوميسسياسىنىڭ وتىرىسىن شۇعىل شاقىرۋ تۋرالى ۇسىنىس ەنگىزدى»، - دەدى دەپارتامەنت باسشىسى.
ەسكە سالايىق، سوڭعى كۇندەرى ءارتۇرلى وڭىردە بولعان وقۋشىلار اراسىنداعى الىمجەتتىك، توبەلەسكە قاتىستى ۆيدەولار ءجيى تاراي باستادى.
اتاپ ايتقاندا، تۇركىستان قالاسىندا قاتارلاستارىنا الىمجەتتىك جاساعان وقۋشىلار ارەكەتتەرىن ۆيدەوعا ءتۇسىرىپ، ونى الەۋمەتتىك جەلىدە تاراتقان بولاتىن.
قىزىلوردا قالاسىندا مەكتەپ دارەتحاناسىندا وقۋشىلار قۇرداستارىن ۇرىپ، ونى ۆيدەوعا تۇسىرگەن. كەيىن ولاردىڭ ەسىمدەرى انىقتالىپ، بالالار 5 جىلعا دەيىن باس بوستاندىقتارىنان ايىرىلۋى مۇمكىن ەكەندىگى حابارلاندى.
اقتوبە وبلىسىندا دا وقۋشىلار اراسىنداعى توبەلەس جيىلەپ كەتتى. كۇنى كەشە عانا شالقار قالاسىندا جاس وسپىرىمدەر مۇز ايدىنىندا سوزگە كەلىسىپ، ولاردىڭ ءبىرى اۋرۋحانادا كوز جۇمدى. وعان دەيىن تاعى ءبىر وقۋشى پىشاق جاراقاتىمەن اۋرۋحاناعا تۇسكەن ەدى. دارىندى بالالارعا ارنالعان مەكتەپ-ينتەرناتىندا بولعان توبەلەستەن كەيىن دە، ءبىر وقۋشى پىشاق جاراقاتىن الدى. 8-9- سىنىپتاردا وقيتىن ۇلدار اراداعى ماسەلەلەرىن پىشاقپەن شەشپەك بولعان.
بۇدان بولەك، قاراعاندى وبلىسىندا ءبىرقاتار جاس ءوسپىرىم پيتستسەريادا ورىن بەرمەگەنى ءۇشىن قۇرداستارىن سوققىعا جىقتى. ولاردىڭ ەسىمدەرى انىقتالدى.