قانداستاردىڭ زەينەتاقى ماسەلەسى شەشىمىن تاپتى

بۇل تۋرالى قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ جۇمىسپەن قامتىلۋى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى قازاقستان رەسپۋبليكاسىنىڭ 2018-جىلعى 26- جەلتوقسانداعى 203№ -ق ر زاڭىنا سىلتەمە جاساپ حابارلايمىز.

اتالمىش زاڭدا «13-باپتىڭ 1-تارماعى مىناداي مازمۇنداعى 18) تارماقشامەن تولىقتىرىلسىن:

18) قازاقستان رەسپۋبليكاسىنا تاريحي وتانىندا تۇراقتى تۇرۋ ماقساتىندا كەلگەن ەتنوستىق قازاقتاردىڭ شىعۋ ەلىندەگى ەڭبەك قىزمەتى»، - دەگەن قازاقستان رەسپۋبليكاسىندا زەينەتاقىمەن قامسىزداندىرۋ تۋرالى قازاقستان رەسپۋبليكاسىنىڭ 2013-جىلعى 21- ماۋسىمداعى 105№-V زاڭىنىڭ 13-باپىنا قانداستاردىڭ زەينەتاقى تولەمىن تاعايىنداۋدى قامتاماسىز ەتەتىن ارنايى تارماقشا قوسىلعان.

قازاقستان رەسپۋبليكاسىندا زەينەتاقىمەن قامسىزداندىرۋ تۋرالى قازاقستان رەسپۋبليكاسىنىڭ 2013-جىلعى 21- ماۋسىمداعى 105№-V زاڭى

13-باپ. جاسىنا بايلانىستى زەينەتاقى تولەمدەرىن تاعايىنداۋ ءۇشىن ەڭبەك ءوتىلىن ەسەپتەۋ

ەسكەرتۋ. 13-باپتىڭ تاقىرىبى جاڭا رەداكسيادا - ق ر 17.11.2015 408№ -V زاڭىمەن (01.03.2016 باستاپ قولدانىسقا ەنگىزىلەدى).

1. جاسىنا بايلانىستى زەينەتاقى تولەمدەرىن تاعايىنداۋ ءۇشىن ەڭبەك ءوتىلىن ەسەپتەۋ كەزىندە مىنالار ەسەپكە الىنادى:

1) ەڭبەك شارتتارى بويىنشا جەكە جانە زاڭدى تۇلعالار اقى تولەيتىن جۇمىس؛

2) اسكەري قىزمەت؛

3) ارناۋلى مەملەكەتتىك جانە قۇقىق قورعاۋ ورگاندارىنداعى، مەملەكەتتىك فەلدەگەرلىك قىزمەتتەگى قىزمەت؛

4) مەملەكەتتىك قىزمەت؛

5) كاسىپكەرلىك جانە كىرىستەر اكەلەتىن وزگە دە قىزمەت؛

6) باسقا ادامنىڭ كومەگىنە مۇقتاج بىرىنشى توپتاعى مۇگەدەككە، ەكىنشى توپتاعى جالعىزىلىكتى مۇگەدەككە جانە جاسىنا بايلانىستى زەينەتكەرگە، سونداي-اق سەكسەن جاسقا تولعان قارت ادامدارعا كۇتىم جاساعان ۋاقىت؛

7) 16 جاسقا دەيىنگى مۇگەدەك بالانى باعىپ-كۇتكەن ۋاقىت؛

8) جۇمىس ىستەمەيتىن انانىڭ جاس بالالاردى باعىپ-كۇتكەن ۋاقىتى، بىراق ءاربىر بالا 3 جاسقا تولعانعا دەيىن، جالپى جيىنتىعى 12 جىل شەگىندەگى ۋاقىت؛

9) قىلمىستىق جاۋاپقا نەگىزسىز تارتىلعان جانە قۋعىن-سۇرگىنگە ۇشىراعان، بىراق كەيىننەن اقتالعان ازاماتتاردىڭ قاماۋدا بولعان، باس بوستاندىعىنان ايىرۋ جانە جەر اۋدارۋ ورىندارىندا جازاسىن وتەگەن ۋاقىتى؛

10) ەڭبەككە قابىلەتتى ازاماتتاردىڭ بۇرىنعى كسرو- نىڭ ۋاقىتشا باسىپ الىنعان اۋماعىندا جانە ۇلى وتان سوعىسى كەزەڭىندە باسقا مەملەكەتتەردىڭ اۋماعىنا زورلىقپەن اكەتىلگەن ادامداردىڭ (جاسىنا قاراماستان)، ەگەر اتالعان كەزەڭدەردە بۇل ادامدار وتانعا قارسى قىلمىس جاساماعان بولسا، سوندا بولعان، فاشيستىك كونتسلاگەرلەردە (گەتتولاردا جانە سوعىس كەزەڭىندە ماجبۇرلەپ ۇستايتىن باسقا دا ورىنداردا) ۇستالعان ۋاقىتى؛

11) جۇمىس ىستەمەيتىن سوعىس مۇگەدەكتەرى مەن ولارعا تەڭەستىرىلگەن مۇگەدەكتەردىڭ مۇگەدەك بولعان ۋاقىتى؛

12) بۇرىنعى كەڭەستىك مەكەمەلەردىڭ، قازاقستان رەسپۋبليكاسى مەكەمەلەرى مەن حالىقارالىق ۇيىمداردىڭ قىزمەتكەرلەرى زايىبىنىڭ (جۇبايىنىڭ) شەتەلدە تۇرعان، بىراق جالپى جيىنتىعى 10 جىلدان اسپايتىن كەزەڭى؛

13) اسكەري قىزمەتشىلەر (مەرزىمدى قىزمەتتەگى اسكەري قىزمەتشىلەردەن باسقا)، ارناۋلى مەملەكەتتىك ورگاندار قىزمەتكەرلەرى جۇبايلارىنىڭ ماماندىعى بويىنشا جۇمىسقا ورنالاسۋ مۇمكىندىگى بولماعان جەرلەردە جۇبايلارىمەن بىرگە تۇرعان، ءبىراق جالپى جيىنتىعى 10 جىلدان اسپايتىن كەزەڭى؛

14) الىپ تاستالدى - ق ر 02.08.2015 342№-V زاڭىمەن (01.01.2016 باستاپ قولدانىسقا ەنگىزىلەدى)؛

15) قازاقستان رەسپۋبليكاسىنىڭ اۋماعىنداعى جانە ودان تىس جەرلەردەگى جوعارى وقۋ ورىندارىندا، ونىڭ ىشىندە دايارلىق كۋرستارىندا، ارناۋلى ورتا وقۋ ورىندارىندا، ۋچيليشەلەردە، مەكتەپتەردە جانە كادرلار دايارلاۋ، بىلىكتىلىكتى ارتتىرۋ جانە قايتا مامانداندىرۋ كۋرستارىندا، اسپيرانتۋرادا، دوكتورانتۋرادا جانە كلينيكالىق ورديناتۋرادا، سونداي-اق رۋحاني (ءدىني) ءبىلىم بەرۋ ۇيىمدارىندا وقۋ؛

16) ۆەدومستۆولىق باعىنىستىلىعىنا جانە ارناۋلى نەمەسە اسكەري اتاعىنىڭ بولۋىنا قاراماستان، اسكەريلەندىرىلگەن كۇزەتتەگى، ارناۋلى بايلانىس ورگاندارىنداعى جانە تاۋ-كەن-قۇتقارۋ بولىمدەرىندەگى قىزمەت؛

17) الىپ تاستالدى - ق ر 02.08.2015 342№-V زاڭىمەن (01.01.2016 باستاپ قولدانىسقا ەنگىزىلەدى)؛

18) قازاقستان رەسپۋبليكاسىنا تاريحي وتانىندا تۇراقتى تۇرۋ ماقساتىندا كەلگەن ەتنوستىق قازاقتاردىڭ شىعۋ ەلىندەگى ەڭبەك قىزمەتى.

Jebeu.kz