قازاقستانداعى جاڭا كادرلىق تاعايىنداۋلار

19 -جەلتوقسان كۇنى ماڭعىستاۋ وبلىسىنىڭ ءبىلىم باسقارماسىنا باسشى بولىپ اسقار ءابي ۇلى سەيداليەۆ تاعايىندالدى.

اسقار سەيداليەۆ 1993-1997 -جىلدارى «اگروتەحنيكا» كووپەراتيۆىندە، «قۋات» ا ق- دا، «ماڭعىستاۋ مۇنايگاز» ا ق بۇرعىلاۋ جۇمىستارىنىڭ جەتىباي باسقارماسىندا شەبەر، بۇرعىلاۋشىنىڭ كومەكشىسى بولىپ ەڭبەك ەتكەن. 1997 - 2017 -جىلدار ارالىعىندا ش. ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتىندە وقىتۋشى، جاستار ءىسى جونىندەگى كوميتەتىنىڭ ءتوراعاسى، رەكتوردىڭ كومەكشىسى، مۇناي جانە گاز ينستيتۋتى ديرەكتورىنىڭ ورىنباسارى، تاربيە جۇمىسى جونىندەگى پرورەكتور، «مۇناي جانە گاز» فاكۋلتەتىنىڭ دەكانى قىزمەتتەرىن اتقاردى. ال 2017 -جىلدىڭ قازانىنان باستاپ وسى ۋاقىتقا دەيىن ۋنيۆەرسيتەتتىڭ وقۋ- ادىستەمەلىك ءىسى جونىندەگى پرورەكتورى بولدى.

سونداي-اق، 2008 -جىلى قىتاي مۇناي ۋنيۆەرسيتەتىندە، 2013-2015 -جىلدارى «بولاشاق» باعدارلاماسى بويىنشا «Colorado School of Mines» ۋنيۆەرسيتەتىندە (اق ش) كاسىبي تاعىلىمدامادان وتكەن. «قازاقستان رەسپۋبليكاسى ءبىلىم بەرۋ ءىسىنىڭ قۇرمەتتى قىزمەتكەرى» توسبەلگىسىمەن جانە 2011 -جىلى ەلباسىنىڭ العىس حاتىمەن ماراپاتتالعان. جەتپىستەن استام مونوگرافيا مەن عىلىمي ماقالالاردىڭ اۆتورى.

بۇل كۇنى ورال قالاسىندا ازامات شايحى «اقجايىق» فۋتبول كلۋبىنىڭ ديرەكتورى بولىپ تاعايىندالدى.

ازامات ەربول ۇلى «نامىس» سپورت كلۋبى مەن №4 -بالالار- جاسوسپىرىمدەر سپورت مەكتەبىنىڭ ادىسكەرى، سونداي-اق «اقجايىق» سپورت كلۋبىندا سامبو كۇرەسى جونىندەگى سپورتشى، «اقجايىق» دوپتى حوككەي كومانداسىنىڭ باستىعى، باس ديرەكتوردىڭ ورىنباسارى قىزمەتىن اتقاردى. 2015 -جىلدان بەرى «اقجايىق» سپورت كلۋبىنىڭ ديرەكتورى بولدى.

ايتا كەتەيىك، «اقجايىق» بيىل پرەمەر- ليگا كوماندالارى اراسىنداعى ەل چەمپيوناتىندا سوڭعى ورىن العاندىقتان، ءبىرىنشى ليگاعا ءتۇسىپ قالعان بولاتىن. الداعى ماۋسىمدا پرەمەر- ليگاعا قايتا شىعۋ ءۇشىن كۇرەسەدى.

سونىمەن بىرگە، 19 -جەلتوقسان كۇنى ق ر پرەزيدەنتىنىڭ جارلىعىمەن اقمولا وبلىستىق سوتىنىڭ سۋدياسى، اۋداندىق سوتتاردىڭ ءتوراعاسى مەن سۋديالارى تاعايىندالدى.

«ق ر پرەزيدەنتىنىڭ «قازاقستان رەسپۋبليكاسى سوتتارىنىڭ ءتوراعالارى مەن سۋديالارىن قىزمەتكە تاعايىنداۋ جانە قىزمەتتەن بوساتۋ تۋرالى» 2018 -جىلعى 11 -جەلتوقسانداعى جارلىعىمەن شورتاندى اۋداندىق سوتىنىڭ ءتوراعاسى قىزمەتىنە بەيبىت نۇرجان، اقمولا وبلىستىق سوتىنىڭ سۋدياسى قىزمەتىنە اسكەربەك جاكۋلين، استراحان اۋداندىق سوتىنىڭ سۋدياسى قىزمەتىنە جانگەلدى احمەتوۆ، بۋراباي اۋداندىق سوتىنىڭ سۋدياسى قىزمەتىنە دينارا امانجولوۆا، ستەپنوگور قالالىق سوتىنىڭ سۋدياسى قىزمەتىنە جانار حامزا، سەلينوگراد اۋداندىق سوتىنىڭ سۋدياسى قىزمەتىنە دينارا مەرزادينوۆا تاعايىندالدى.

سونىمەن قاتار، قۇرمەتتى وتستاۆكاعا كەتۋىنە بايلانىستى اقمولا وبلىستىق سوتىنىڭ سۋدياسى بەيسەمباي سارسەنوۆ اتقاراتىن قىزمەتىنەن بوساتىلدى.

وسى اپتادا «جولاۋشىلار تاسىمالى» اكسيونەرلىك قوعامىنىڭ جاڭا باسقارما ءتوراعاسى تاعايىندالدى. بۇل لاۋازىمعا «قازاقستان تەمىر جولى» ۇ ك» ا ق ديرەكتورلار كەڭەسىنىڭ 2018 -جىلعى 4 -جەلتوقسانداعى شەشىمى نەگىزىندە جانە «قازاقستان تەمىر جولى» ۇ ك» ا ق باسقارما ءتوراعاسى س. مىڭبايەۆتىڭ بۇيرىعىمەن ارمان تۇرلىحان ۇلى سۇلتانوۆ بەكىتىلدى.

ارمان سۇلتانوۆ 1996 -جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىنىڭ فيزيكا فاكۋلتەتىن، 2008 - 2010 -جىلدارى قازاق جول قاتىناستارى ۋنيۆەرسيتەتى، ەكونوميكا فاكۋلتەتىن بىتىرگەن. 2014 - 2016 -جىلدارى قازاق كولىك جانە كوممۋنيكاتسيا اكادەمياسىندا، 2016 -جىلى - Cambridge International Centre (Great Britain) - دە ءبىلىم العان.

ول 1999 - 2000 -جىلدارى - «AES- MARCHە» ج ش س جالپى ماسەلەلەر جونىندەگى مەنەدجەر، ديرەكتوردىڭ جالپى ماسەلەلەر جونىندەگى ورىنباسارى؛ 2000 - 2001 -جىلدارى - «استاناەنەرگوسەرۆيس» ا ا ق ماركەتينگ جانە قوعاممەن بايلانىس ءبولىمىنىڭ باستىعى؛ 2001 - 2002 -جىلدارى - «قازاحويل پروداكس» ا ق استانا فيليالى، مۇناي ونىمدەرىن ىسكە اسىرۋ ماركەتينگى جونىندەگى مەنەدجەرى؛ 2002 - 2008 -جىلدار ارالىعىندا- «قازترانس سەرۆيس» ا ق ماركەتينگ ءبولىمىنىڭ ساراپشىسى، دامۋ جانە ماركەتينگ ءبولىمىنىڭ باستىعى، كولىك- ەكسپەديتسيالىق قىزمەت كورسەتۋ باسقارماسىنىڭ باستىعى، ماركەتينگ جانە ساتۋ باسقارماسىنىڭ باستىعى، اتقارۋشى ديرەكتور؛ 2008 - 2010 -جىلدارى - «ق ت ج» ۇ ك» ا ق تاسىمالدار ماركەتينگى دەپارتامەنتىنىڭ ديرەكتورى؛ 2010 - 2012 -جىلدار ارالىعىندا - «ق ت ج» ۇ ك» ا ق جولاۋشىلار تاسىمالى جونىندەگى باسقارۋشى ديرەكتور؛ 2012 - 2014 -جىلدارى - «قاز ترانسسەرۆيس» ا ق پرەزيدەنتى؛ 2015 - 2016 -جىلدارى «ق ت ج» ۇك» ا ق لوگيستيكا جونىندەگى باسقارۋشى ديرەكتورى؛ 2016 -جىلعى جەلتوقسان مەن 2017 -جىلعى قاراشا ارالىعىندا - «قازاقستان تەمىر جولى» ۇ ك» ا ق دامۋ جونىندەگى ۆيتسە-پرەزيدەنتى؛ 2017 -جىلعى 22 -قاراشادان سوڭعى تاعايىنداۋعا دەيىن - «ق ت ج» ۇ ك» ا ق اتقارۋشى ديرەكتورى - «جولاۋشىلار تاسىمالى» ا ق پرەزيدەنتى بولعان.

20 -جەلتوقسان كۇنى «قازاقستان تەمىر جولى» ۇلتتىق كومپانياسى» ا ق ديرەكتورلار كەڭەسىنىڭ ءتوراعاسى قىزمەتىنە كريستيان كۋن سايلاندى.

كريستيان كۋن 1965 -جىلى گەرمانيانىڭ ماينداعى فرانكفرۋت قالاسىندا دۇنيەگە كەلگەن. ءبىلىمى جوعارى، تەحنيكا عىلىمدارىنىڭ كانديداتى. نەمىس، اعىلشىن تىلدەرىن جەتىك مەڭگەرگەن. بۇگىنگى تاعايىنداۋعا دەيىن RheinCargo GmbH جانە Co KG باسقارۋشى ديرەكتورى، تەمىر جول مەن لوگيستيكا سالاسىنداعى تاۋەلسىز كونسۋلتانت بولعان.