«قازىرگى ۋاقىتتا تۇرعىندار سالىق قارىزىن عانا كورە الادى، الدىن الا تولەۋ ءۇشىن دە قانداي سالىقتىق مىندەتتەر تۇرعانىن بىلمەيدى. جىل سوڭىندا سالىق قارىزىنا ۇستەمەاقى قوسىلعاندا عانا حاباردار بولاتىن. وسى ولقىلىقتىڭ ورنىن تولتىرۋعا تىرىستىق جانە دۇيسەنبىدەن باستاپ، پاۆلودار مەن قاراعاندى وبلىستارىنىڭ تۇرعىندارى ءۇشىن پيلوتتىق الدىن الا تولەۋ جوباسىن ەنگىزەمىز. ياعني، تۇرعىندار جىل سوڭىنا دەيىن قانداي سالىقتاردى تولەۋ قاجەتتىگىن ءبىلىپ وتىرادى»، - دەدى رۋسلان ەڭسەبايەۆ «Digital Arena-4» فورۋمىندا.
ۆيتسە- مينيستر ايتقان ەكىنشى ماسەلە - سالىق تولەۋشىنىڭ ەلەكتروندى پورتالدا ءتۇرلى رەكۆيزيتتەردى تاڭداۋى بولىپ وتىر.
«سالىق تولەۋشى تولەم كودىن، بيۋدجەتتىك جىكتەۋ كودىن، مەملەكەتتىك كىرىستەر ورگانىن جاڭىلماي كورسەتىپ، تۇتاس فورمانى تولتىرۋى ءتيىس. ارينە، ادامدار مۇنىڭ ءبارىن بىلە بەرمەيدى، قاتە جىبەرەدى. كودتى دۇرىس تاڭداماعاندىقتان، سالىققا تولەنگەن اقشا دا دىتتەگەن جەرىنە جەتپەيدى. ەڭ اياعىندا سالىق تولەۋشى بورىشكەر بولىپ شىعا كەلەدى. سوندىقتان، وسى پروتسەستى بارىنشا وڭتايلاندىرۋ كەرەك. ادامدار ءبىرىڭعاي رەكۆيزيتكە اقشا اۋدارۋى كەرەك تە، جۇيەنىڭ ءوزى تولەمدى قاي ورگانعا اۋدارۋ قاجەتتىگىن اۆتوماتتى تۇردە انىقتاۋى ءتيىس»، - دەپ ءتۇسىندىردى ول.
ونىڭ ايتۋىنشا، بۇل باعىتتا وتە ماڭىزدى جۇمىستار جۇرگىزىلدى.
«بۇل ءۇشىن مەملەكەتتىك ورگانداردان الاتىن دەرەكتەردى رەتكە كەلتىرۋ كەرەك. سالىقتى دۇرىس ەسەپتەۋ ءۇشىن ىشكى جۇيەنى كۇشەيتۋ قاجەت. مۇندا ادامي فاكتور ۇلكەن ءرول اتقارىپ وتىر. دەرەكتەردى رەتتەۋ جۇمىستارىن اياقتاپ قالدىق. ەندى مەمورگاندار جۇيەسىندە دەرەكتەردى قولمەن تولتىرىپ ەمەس، انىقتامادان اۆتوماتتى تۇردە الىناتىنداي وزگەرىستەردى ەنگىزىپ جاتىرمىز»، - دەدى ر. ەڭسەبايەۆ.