ق ر پرەزيدەنتى شەتەل ەلشىلەرىنەن سەنىم گراموتاسىن قابىلدادى
اتاپ ايتقاندا، مەملەكەت باسشىسىنا اۋعانستان ەلشىسى موحامماد فراحاد ازيمي، قىرعىزستان ەلشىسى جەەنبەك كۋلۋبايەۆ، ليتۆا ەلشىسى گينتاۋتاس ۆاسيۋليس، يران ەلشىسى مادجيد سامادزادە سابەر، ارمەنيا ەلشىسى گاگيك گالاچيان سەنىم گراموتاسىن تابىس ەتتى.
«بارشاڭىزدى قازاقستانداعى ديپلوماتيالىق قىزمەتتەرىڭىزدىڭ باستالۋىمەن قۇتتىقتايمىن. بۇگىنگى ءراسىمنىڭ ەلىمىزدىڭ باستى مەرەكەسى تاۋەلسىزدىك كۇنى قارساڭىندا ءوتۋىنىڭ سيمۆولدىق ءمانى بار. ءبىز ەگەمەندىك العاننان بەرى 27 جىل ىشىندە ەكونوميكاسى قارقىندى ءوسىپ كەلە جاتقان زاماناۋي مەملەكەتكە اينالدىق. ەلىمىزدە بەيبىتشىلىك پەن قوعامدىق كەلىسىمدى قامتاماسىز ەتىپ، حالىقتىڭ ءال-اۋقاتىن ارتتىرۋعا باسا ءمان بەردىك. الەمنىڭ الدىڭعى قاتارلى وتىز ەلىنىڭ قاتارىنا قوسىلۋ ماقساتىمەن اۋقىمدى باعدارلاما مەن رەفورمالاردى جۇزەگە اسىرىپ جاتقانىمىزدى بىلەسىزدەر»، - دەدى ەلباسى.
ق ر پرەزيدەنتى ەلشىلەردىڭ جاڭا ميسسيالارى ەلدەر اراسىنداعى ىنتىماقتاستىقتى دامىتۋعا زور ۇلەس قوساتىنىنا سەنىم ءبىلدىردى.
«بارشاڭىزعا مىقتى دەنساۋلىق، تولاعاي تابىس تىلەيمىن. قازاقستانداعى ءار كۇندەرىڭىز ءساتتى بولسىن»، - دەدى نۇرسۇلتان نازاربايەۆ.