شارانى جاپون ساۋدا پالاتاسى قازاقستاننىڭ ەلشىلىگىمەن بىرلەسىپ ۇيىمداستىردى، دەپ حابارلايدى «قازاقپارات» ح ا ا مەنشىكتى ءتىلشىسى.
سەمينار جۇمىسىنا 100 گە جۋىق جاپون كومپانيالارى، شاعىن جانە ورتا بيزنەس وكىلدەرى مەن قۇرامىندا «بايتەرەك» ۇ ب ح» ا ق مەن «Kazakh Invest» ۇ ك» ا ق وكىلدەرى، قوستاناي جانە اتىراۋ وبلىستارى اكىمدەرىنىڭ ورىنباسارى بار قازاقستاندىق دەلەگاتسيا قاتىستى.
قازاقستان رەسپۋبليكاسىنىڭ جاپونياداعى ەلشىسى ەرلان باۋداربەك-قوجاتايەۆ جيىنعا قاتىسۋشىلارعا قازاق-جاپون ىنتىماقتاستىعىن دامىتۋ بولاشاعى، قازاقستان ەكونوميكاسىن جاڭعىرتۋ باسىمدىلىقتارى مەن مىندەتتەرى، سونداي-اق ق ر- داعى ينۆەستيتسيالىق حال-احۋالى تۋرالى ايتىپ بەردى.
ول كەزەگىندە ەلشى جاپون ىسكەر توپتاردى ەكسپو حالىقارالىق كورمەسى اياسىندا قازاقستانعا بارىپ، الەۋەتتى سەرىكتەستەرمەن ءوزارا ءتيىمدى ىنتىماقتاستىقتى دامىتۋعا شاقىردى. شارا بارىسىندا جاپوندىق قاتىسۋشىلار قازاقستانمەن بىرلەسكەن جوبالاردىڭ بولاشاعىنا جوعارى باعا بەردى.
حالىقارالىق ىنتىماقتاستىق جونىندەگى جاپوندىق اگەنتتىكتىڭ ساراپشىسى قازاقستانداعى ينفراقۇرىلىمدىق جانە تەحنولوگيالىق جوبالاردى ىلگەرلەتۋگە جاپون كومپانيالارى ءتۇرلى دەڭگەيدە قولداۋلار كورسەتۋگە دايىن ەكەندىگىن جەتكىزدى. سونداي-اق جاپون ساۋدا پالاتاسىنىڭ وكىلى وسى جىلدىڭ تامىز ايىندا ەكسپو-2017 كورمەسى اياسىندا جاپوندىق كومپانيا وكىلدەرىنىڭ قازاقستانعا ساپارلاپ بارۋى جانە قازاقستاندىق سەرىكتەستەرمەن كەزدەسۋلەرى جوسپارلانىپ وتىرعاندىعىن حابارلادى.